ញាក់! សួនកម្សាន្តតម្លៃជិត៣០០លានដុល្លារ យកគំរូតាមតុក្កតាជប៉ុន នឹងបើកដំណើរការក្នុងខែវិច្ឆិកាខាងមុខនេះហើយ

ជប៉ុន៖ សួនកម្សាន្តមួយ បង្កើតឡើងតាមគំរូខ្សែភាពយន្ដជីវចលរបស់ក្រុមហ៊ុន Studio Ghibli ដែលល្បីល្បាញសម្រាប់ចំណងជើង “Sprited Away” និងឈ្នះពានរង្វាន់អូស្ការ នឹងបើកដំណើរការក្នុងប្រទេសជប៉ុននៅថ្ងៃទី០១ ខែវិច្ឆិកា ឆ្នាំ២០២២ខាងមុខនេះហើយ។

ជាក់ស្ដែង សួនកម្សាន្តនេះមានឈ្មោះហៅថា “Ghibli Park” ដែលបានធ្វើឲ្យមានការចាប់អារម្មណ៍យ៉ាងអន្ទះសារជាលើកដំបូងក្នុងឆ្នាំ២០១៧ ពីសំណាក់មហាជនជាអ្នកគាំទ្រខ្សែភាពយន្ដជីវចល “My Neighbor Totoro” ផ្ទាល់តែម្ដង។ ហើយឯកសារមួយបានបង្ហាញថា បច្ចុប្បន្ននេះ ទីតាំងសួនកម្សាន្ត កំពុងត្រូវបានសាងសង់ឡើងក្នុងតំបន់ដ៏ធំ Aichi ដែលមានចម្ងាយ២៥០គីឡូម៉ែត្រ ភាគខាងលិចទីក្រុងតូក្យូ ដោយចំណាយទឹកប្រាក់សរុបអស់ចំនួន៣៤ពាន់លានយេន (ប្រមាណ២៩៥លានដុល្លារអាមេរិក)។

យ៉ាងណាមិញ សួនកម្សាន្តនេះ នឹងត្រូវបានបែងចែកចេញជាប្រាំតំបន់ផ្សេងៗគ្នា ដោយតំបន់ចំនួនបី នឹងបើកដំណើរការជាមុនសិន និងពីរតំបន់ចុងក្រោយទៀត នឹងបើកដំណើរការឆ្នាំក្រោយ ប៉ុន្ដែកាលបរិច្ឆេទពិតប្រាកដ មិនទាន់ត្រូវបានប្រកាសនៅឡើយទេ៕

ប្រភព: Daily Mail

សូមទស្សនារូបភាពខាងក្រោម៖