តើតារានិករនីមួយៗ មានប្រតិកម្មយ៉ាងណាចំពោះស្ថានភាពអវិជ្ជមាន?

យល់ដឹង៖ យើងទាំងអស់គ្នាមានភាពខុសប្លែក ពីគ្នាទៅវិញទៅមក ក្នុងគ្រប់ទិដ្ឋភាពទាំងអស់។ ស្រដៀងគ្នានេះដែរ យើងមានស្ទីលខុសគ្នាពេលប្រតិកម្មចំពោះស្ថានភាពអវិជ្ជមាន។ អ្នក​ដែល​ស្ងប់ស្ងាត់ ​ក្នុង​ស្ថានភាព​បែប​នេះ អាច​ដោះស្រាយ​ស្ថានការណ៍​អវិជ្ជមាន​ណា​មួយ​បាន ​ដោយមានល្បិចជាច្រើន។ ដូច្នេះ តើអ្នកមានប្រតិកម្មយ៉ាងណាចំពោះស្ថានភាពអវិជ្ជមាន?

ខាងក្រោមនេះនឹងបង្ហាញថា តារានិករនីមួយៗ មានប្រតិកម្មយ៉ាងណាចំពោះស្ថានភាពអវិជ្ជមាន ៖

♈️ Aries (Mar 21 – Apr 19)

Aries គឺជាតារានិករធាតុភ្លើង។ ពួកគេគឺជាមនុស្ស ដែលមានទំនុកចិត្តខ្ពស់ណាស់។ ពួកគេជាអ្នកពូកែសម្រេចចិត្ត ប៉ុន្តែក៏មានភាពរំជើបរំជួល ដូច្នេះពួកគេអាចធ្វើសកម្មភាពអ្វីមួយដោយមិនដឹងខ្លួន ដើម្បីបញ្ចេញអារម្មណ៍អវិជ្ជមានចេញពីពួកគេ ជាជាងចំណាយពេលបន្ថែម ដើម្បីវិភាគស្ថានភាពទាំងមូល។

♉️ Taurus (Apr 20 – May 20)

ពួកគេជាតារានិករធាតុដី ដែលតំណាងដោយសត្វគោ។ ពួកគេមានការតាំងចិត្ត និងស្មោះត្រង់បំផុត។ ការផ្លាស់ប្តូរធ្វើឲ្យពួកគេមានអារម្មណ៍ថា គ្មានសុវត្ថិភាព។ ពួក​គេ​គឺ​ជា​អ្នក​ជឿ​លើ​ការ ​«រក្សា​ភាព​ស្ងប់​ស្ងាត់ ​និង​បន្តទៅមុខ​»។ គេ​នឹង​វិភាគ​ស្ថានការណ៍​ឲ្យ​បាន​ត្រឹម​ត្រូវ ហើយ​បន្ទាប់​មក​ឆ្លើយ​តប​ទៅតាមនោះ។ ពួកគេនឹងមិនខ្មាស់អៀនឡើយ មុនពេលវាយតបទៅនរណាម្នាក់ឡើយ ប្រសិនបើអ្នកនោះ ជាអ្នកធ្វើខុស។

♊️ Gemini (May 21 – Jun 20)

Geminis គឺត្រង់ណាស់ ចំពោះការគិត។ ពួកគេ​នឹង​បន្ត​និយាយ​ពី​អារម្មណ៍​របស់​ពួកគេ​ រហូត​ដល់​ពួកគេ​បញ្ចប់​វា​។ ពួកគេ​មាន​ការ​សម្រប​ខ្លួន​បាន​ខ្ពស់ ដូច្នេះ​ពួកគេ​ដឹង​ពី​វិធី​ស្វែងរក​ដំណោះស្រាយ​ ដើម្បី​ដោះស្រាយ​ស្ថានភាព​អវិជ្ជមាន។ ពួក​គេ​នឹង​ចុះ​សម្រុង​ នឹង​អ្វី​ដែល​នៅ​ខាង​មុខ​យ៉ាង​សន្សឹមៗ និង​តាម​លំដាប់ ហើយ​ធ្វើ​ឲ្យ​មាន​សន្តិ​ភាព​ ជាមួយ​នឹង​ស្ថានភាព​ជាក់​ស្តែង។

♋️ Cancer (Jun 21 – Jul 22)

Cancer អាចមានភាពរំជើបរំជួល អារម្មណ៍ផ្លាស់ប្ដូរ និងរឹងមាំទាំងអស់ក្នុងពេលតែមួយ។ ពួកគេនឹងដកខ្លួនចេញភ្លាមៗ ហើយបិទទ្វារការពារខ្លួន ដោយសំបកដ៏រឹងរបស់ពួកគេ។ ពួកគេនឹងចូលទៅក្នុងតំបន់សុខស្រួលរបស់ពួកគេដោយងាយ ហើយនឹងសំងំយំចេញពីបេះដូង តែម្នាក់ឯងក្នុងគ្រាដែលមានអារម្មណ៍អវិជ្ជមានទាំងអស់។

♌️ Leo (Jul 23 – Aug 22)

Leos ប្រៀបដូចជាស្តេច ដែលមានចិត្ត និងឥរិយាបទធំ។ ពួកគេ​អាច​នឹង​មាន​អារម្មណ៍​ចំពោះ​អ្វី​មួយ ហើយ​ឆ្លើយ​តប​​ផ្ទុយ​ពី​ចិត្តគិត។ មធ្យោបាយដ៏ល្អបំផុត សម្រាប់តារានិករធាតុភ្លើងនេះ គឺត្រូវវិភាគឲ្យកាន់តែទូលំទូលាយ និងកាត់បន្ថយការវិនិច្ឆ័យអំពីស្ថានភាពទាំងមូល។ ពួកគេនឹងឆ្លើយតបដូចជា ពួកគេមិនខ្វល់ ហើយបន្តទៅមុខ ហើយនឹងមិនបង្ហាញពីអារម្មណ៍ពិត របស់ពួកគេឡើយ។

♍️ Virgo (Aug 23 – Sep 22)

Virgos គឺជាអ្នកគិតច្រើន។ ពួកគេមានភាពអត់ធ្មត់ ចិត្តល្អ និងអាចទុកចិត្តបាន។ អំណាចរបស់ពួកគេ ក្នុងការដោះស្រាយជាមួយនឹងស្ថានភាពអវិជ្ជមាន គឺខ្ពស់ណាស់។ ការរិះគន់ខាងក្នុងរបស់ពួកគេ គឺមុតស្រួចជាងអ្នកផ្សេងទៀត នៃតារានិករទាំងអស់។ ពួកគេនឹងស្វែងរកការគ្រប់គ្រង ក្នុងស្ថានភាពអវិជ្ជមាន ហើយចង់យកឈ្នះវា បន្តដោយផ្អែកលើចិត្តរបស់ពួកគេ ជាជាងបេះដូង។

♎️ Libra (Sep 23 – Oct 22)

ពួកគេជាមនុស្ស ដែលមានឧត្តមគតិ។ ពួកគេតែងតែចូលចិត្តមើលផ្នែកដែលមានពន្លឺ នៃស្ថានភាពណាមួយ។ សម្រាប់​តារានិករធាតុ​ខ្យល់នេះ តែងតែ​មាន​ការ​ពិភាក្សា​ច្រើន​ពេក ហើយ​មិន​ដែលមាន​សកម្មភាព​គ្រប់គ្រាន់ឡើយ។ ដូច្នេះ ពួកគេនឹងមិនឆ្លើយតប នឹងស្ថានភាពអវិជ្ជមានខ្លាំងៗនោះទេ ជាជាងបណ្តោយខ្លួន ឲ្យមានការអាណិតអាសូរច្រើន។

♏️ Scorpio (Oct 23 – Nov 21)

ពួកគេក្លាហាន ស្មោះត្រង់ និងមានចិត្តល្អ។ ស្ថានភាពអវិជ្ជមាន ធ្វើឲ្យពួកគេមានអារម្មណ៍អសន្តិសុខ និងគ្មានសុវត្ថិភាព។ អារម្មណ៍របស់ពួកគេ អាចមានកម្រិតខ្ពស់ ប៉ុន្តែពួកគេមិនចង់បង្ហាញវាចេញ ហើយមានអារម្មណ៍ថាងាយរងគ្រោះ។ ក្នុងស្ថានភាពអវិជ្ជមានពួកគេនឹងរៀបចំយុទ្ធសាស្ត្រមួយ ហើយបន្ទាប់មកឆ្លើយតប យ៉ាងសមស្របទៅនឹងស្ថានភាពនោះ។

♐️ Sagittarius (Nov 22 – Dec 21)

ពួកគេមានភាពស្មោះត្រង់ សុទិដ្ឋិនិយម និងទស្សនវិជ្ជា។ ប៉ុន្តែពួកវានឹងខ្ចាត់ខ្ចាយចេញ នៅពេលដែលត្រូវបានរុញច្រាន ដោយស្ថានភាពអវិជ្ជមាន។ ពួកគេនឹងគេចចេញពីមនុស្សម្នា ដើម្បីទទួលបានកន្លែងទំនេរខ្លះ ហើយបន្ទាប់មកស្វែងរកដំណោះស្រាយថ្មី បន្ទាប់ពីការវិភាគគុណសម្បត្តិ និងគុណវិបត្តិនៃប្រតិកម្មរបស់ពួកគេ។ ពួកគេ​ត្រូវ​ជំរុញ​ខ្លួន​​ទាំង​ផ្លូវចិត្ត និង​ផ្លូវកាយ ដើម្បី​យកឈ្នះ​លើ​ស្ថានភាព​មួយ ហើយ​បន្ត​ដំណើរ​ទៅមុខ​ទៀត។

♑️ Capricorn (Dec 22 – Jan 19)

ពួកគេជាមនុស្សដែលអនុវត្តជាក់ស្តែង មានវិន័យ និងជាអ្នកចូលចិត្តធ្វើការ។ ពួកគេ​ជា​មនុស្សដែលចូលចិត្តធ្វើច្រើនជាងនិយាយ ប៉ុន្តែក៏មិន​ធ្វើ​ឲ្យ​ប៉ះពាល់​ដល់​អារម្មណ៍​របស់​ពួកគេ និងអ្នកដទៃដែរ។ ពួកគេនឹងបត់ខ្លួនមកវិញភ្លាមៗ ហើយបណ្ដោយខ្លួនក្នុងការងាររបស់ពួកគេ ដើម្បីមិនអើពើនឹងស្ថានភាពអវិជ្ជមានណាមួយ ហើយឆ្លងកាត់វាបានយ៉ាងជោគជ័យ។ ពួកគេមិនចង់ខ្ជះខ្ជាយពេលវេលា នៅកន្លែងផ្សេងក្រៅ ពីការងាររបស់ពួកគេឡើយ។

♒️ Aquarius (Jan 20 – Feb 18)

Aquarians គឺជាអ្នកវិភាគដ៏ខ្លាំងបំផុត ក្នុងចំណោមមនុស្សទាំងអស់។ ពួកគេ​មាន​ចរិត​​ត្រឹមត្រូវ​ណាស់​ ដែល​ពួកគេ​នឹង​មិន​បណ្ដោយ​ខ្លួន ​នឹងអ្វី​ដែលងាយ​បង្ខូច​កេរ្តិ៍ឈ្មោះពួកគេឡើយ។ ហើយទោះបីជាពួកគេធ្វើក៏ដោយ ពួកគេនឹងព្យាយាមពន្យាពេលវាដល់ចំណុចល្អ ហើយអនុវត្តន៍នូវអ្វីដែលល្អបំផុត។

♓️ Pisces (Feb 19 – Mar 20)

ក្នុងនាមជាតារានិករធាតុទឹក ពួកគេមានមនោសញ្ចេតនា យល់ចិត្ត និងគួរឲ្យចាប់អារម្មណ៍ដ៏លើសលប់។ ក្នុងនាមជាតារានិករតំនាងឲ្យសត្វត្រី ពួកគេតែងរអិល និងហែលចេញពីស្ថានភាពអវិជ្ជមាន។ ទឹកអាចស្វែងរកផ្លូវជុំវិញ ជាជាងការជាប់គាំងនៅក្នុងស្ថានភាពមួយដែលមិនចង់បាន។

ប្រភព: pinkvilla