អង់គ្លេស៖ អតីតខ្សែបម្រើ Jose Kleberson បាននិយាយថា ការវិលត្រឡប់មកវិញរបស់ ខ្សែប្រយុទ្ធ Cristiano Ronaldo មើលទៅបរាជ័យមិនដូចអ្វីដែលគ្រប់គ្នារំពឹងទុកទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Ronaldo បានផ្លាស់មកទឹកដី Old Trafford វិញកាលពីរដូវក្ដៅឆ្នាំមុន បន្ទាប់ពីក្លិបបានប្រកាសទិញយក Raphael Varane និង Jadon Sancho ហើយគ្រប់គ្នារំពឹងទុកថាវត្តមានរបស់កំពូលខ្សែប្រយុទ្ធរូបនេះនឹងធ្វើឲ្យ បិសាចក្រហមក្លាយជាក្រុមដ៏ខ្លាំងមួយ ប៉ុន្តែជាក់ស្ដែងវាខុសពីការរំពឹងទុក ព្រោះរបៀបនៃការដឹកនាំព្រមទាំងរចនាសម្ពន្ធរបស់ក្លិបមិនដូចកាលស្ថិតក្រោមរជ្ជកាល Sir Alex Ferguson នោះឡើយ។
លោក Kleberson បានថ្លែងប្រាប់ Daily Star ថា៖
បើនិយាយឲ្យស្មោះត្រង់ទៅ ការពិសោធន៍របស់ Ronaldo គឺបានចេញលទ្ធផលបរាជ័យមកទៅហើយ ជាពិសេសកម្រិតនៃការលេងរបស់គេ ហើយឥទ្ធិពលរបស់គេចំពោះក្រុម។ នៅពេលដែលអ្នកក្រឡេកមើលអ្វីដែលគេបានផ្ដល់ឲ្យក្លិបរួមទាំងអ្នកគាំទ្រ អ្នកនឹងមើលឃើញថាវាគ្មានអ្វីអស្ចារ្យទេ។ ក្រុម United ពេលនេះលេងមិនបានល្អទាំងអស់គ្នា។ វាជាពេលវេលាដ៏លំបាកសម្រាប់ Ronaldo ដែលវិលត្រឡប់មកចំពេលនេះ។ ទាំងគេនិង United មានប្រវត្តិដ៏ល្អជាមួយគ្នា។ ឲ្យកីឡាករដូច Ronaldo ត្រឡប់មកវិញតែក្លិបបែរជាផ្លាស់ប្ដូរស្ទាយ៍នៃការលេង និងបរិយាកាស។ ក្លិបនេះមិនដូចកាល Sir Alex Ferguson ដឹកនាំទេ ហើយវានឹងក្លាយជារឿងប្រកួតប្រជែងមួយសម្រាប់គេ។
Manchester United កំពុងឈរនៅលេខរៀងទី៤ក្នុងតារាង Premier League ខណៈ Ronaldo ស៊ុតបញ្ចូលទីបាន១៤គ្រាប់ក្នុងការបង្ហាញខ្លួន២៣ប្រកួត៕
ប្រភព៖ sportskeeda
Bong I.T