ជាថ្មីម្ដងទៀត! នារីអូតេស ឈរលើកំពូលអគារខ្ពស់លំដាប់ពិភពលោក ដោយទឹកមុខរីករាយ (មានវីដេអូ)

ឌូបៃ៖ កាលពីខែសីហា ឆ្នាំ២០២១កន្លងទៅ នារីអូតេសម្នាក់ បានឡើងឈរលើកំពូលអគារ Burj Khalifa ដែលមានកម្ពស់ខ្ពស់លំដាប់ពិភពលោកជិត៨៣០ម៉ែត្រ ដោយនាងស្ថិតនៅក្នុងឯកសណ្ឋានការងាររបស់ក្រុមហ៊ុនអាកាសចរណ៍ Emirates ជាមួយនឹងទឹកមុខញញឹមញញែមយ៉ាងរីករាយ ខណៈរូបនាងផ្ទាល់ ជាអ្នកលោតឆ័ត្រយោងអាកាស ហើយធ្វើឡើងដើម្បីជាអបអរការដកបម្រាមធ្វើដំណើរ។

តួយ៉ាង កាលពីសប្ដាហ៍មុននេះ នាង Nicole Smith-Ludvik បានវិលត្រលប់មកសាជាថ្មីម្ដងទៀត ដែលឡើងឈរលើកំពូលអគារដដែល និងមានយន្ដហោះមួយគ្រឿង ហោះឆ្លងកាត់ពីក្រោយ ហើយនាងបានកាន់ស្លាកសរសេរថា៖

យ៉ាងណាមិញ ចំពោះការធ្វើឡើងខាងលើនេះ ជាពិព័រណ៍ Dubai Expo ២០២០ ដែលដំណើរការពីថ្ងៃទី០១ ខែតុលា ឆ្នាំ២០២១ ដល់ថ្ងៃទី៣១ ខែមីនា ឆ្នាំ២០២២ ដោយមានប្រទេសចំនួន១៩២ កំពុងបង្ហាញការផ្ដល់ជូននូវវប្បធម៌ជាច្រើន រួមជាមួយនឹងបច្ចេកវិទ្យាច្នៃប្រឌិតប្លែកបំផុតរបស់ពួកគេ។ ហើយចំណែកយន្ដហោះដែលហោះពីក្រោយនារីអូតេស មានចម្ងាយពីប៉មអគារប្រហែល៨០០ម៉ែត្រ តែមើលទៅហាក់មានភាពជិតមែនទែន ដោយសារកាមេរ៉ាដ៏ឆ្លាតវៃមួយចំនួនផងដែរ៕

ប្រភព: Daily Mail

សូមទស្សនារូបភាពនិងវីដេអូខាងក្រោម៖