ឧបនាយករដ្ឋមន្រ្តី ហោ ណាំហុង ប្រកាសផ្តល់អាហាររូបករណ៍ ០៨ កន្លែង ទៅសិក្សានៅប្រទេសចិន

រាជធានីភ្នំពេញ៖ យោងតាមការបង្ហោះនៅលើទំព័រហ្វេសប៊ុករបស់ឯកឧត្តម ហោ ណាំហុង​  នៅថ្ងៃទី១៧ ខែមករា ឆ្នាំ២០២២នេះ បានប្រកាសឱ្យដឹងថា ឯកឧត្តមឧបនាយករដ្ឋមន្រ្តី ហោ ណាំហុង ប្រកាសផ្តល់អាហារូបករណ៍ដល់និស្សិតកម្ពុជា ទៅសិក្សានៅសាធារណរដ្ឋប្រជាមានិតចិនចំនួន ០៨កន្លែង ដែលរដ្ឋាភិបាលចិនបានផ្តល់ជូនឯកឧត្តមឧបនាយករដ្ឋមន្ត្រី។

តាមប្រភពដដែលបានឱ្យដឹងថា ការប្រកាសផ្តល់អាហារូបករណ៍ទំាងនេះជូននិស្សិតកម្ពុជាដែលបានប្រឡងជាប់ មធ្យមសិក្សាទុតិយភូមិ «បាក់ឌុប» សម្រាប់ថ្នាក់ឧត្តមសិក្សា នៅសាធារណរដ្ឋប្រជាមានិតចិន។

អាហារូបករណ៍ដែលផ្តល់ដោយឯកឧត្តមឧបនាយករដ្ឋមន្រ្តី ហោ ណាំហុង ជូននិស្សិត កម្ពុជា ចំនួន ០៨កន្លែងនេះ គឺដើម្បីសិក្សាខាងបច្ចេកទេស និងបច្ចេកវិទ្យា ដែលនឹងឆ្លើយតបនឹងតម្រូវការក្នុងការអភិវឌ្ឍធនធានមនុស្សនៅប្រទេសកម្ពុជា នាពេលបច្ចុប្បន្ននេះ។

ដូច្នេះ សម្រាប់បេក្ខជនដែលមានបំណងទទួលអាហារូបករណ៍នេះ សូមទំនាក់ទំនងជា

មួយ លោកស្រី កែវ សិរីសុគន្ធារី តាមរយៈទូរស័ព្ទលេខ៖ ០១៧ ៥៦៩ ០៤១ ដើម្បីបំពេញបែបបទ និងលិខិតស្នាមផ្សេងៗ៕