ហ៊ានថាហ៊ានធ្វើ! នារីបបូរមាត់ធំបំផុតលើពិភពលោក នឹងកែឲ្យធំបន្ថែមទៀត

ប៊ុលការី៖ នារីម្នាក់ មកពីរដ្ឋធានីសូហ្វៀរ នៃប្រទេសប៊ុលការី កំពុងទទួលបានការចាប់អារម្មណ៍យ៉ាងខ្លាំងលើបណ្ដាញសង្គមអ៊ីនស្ដារក្រាម ដោយសារតែនាងមានបបូរដ៏ធំ និងត្រូវបានគេចាត់ទុកថាជាមនុស្សស្រី ដែលមានបបូរមាត់ធំជាងគេបំផុតនៅលើពិភពលោក។

ជាក់ស្ដែង កាលពីថ្មីៗនេះ នាង Andrea Ivanova អាយុ២៤ឆ្នាំ បានទៅពិគ្រោះជាមួយនឹងវេជ្ជបណ្ឌិតផ្នែកកែសម្ផស្សដើម្បីផ្លាស់ប្ដូរទម្រង់ចង្កា និងថ្គាម ដោយចំណាយអស់ទឹកប្រាក់ចំនួនប្រមាណ៦៦១ដុល្លារអាមេរិក។ ហើយជំហានបន្ទាប់ នាងនឹងកែប្រែរូបរាង និងពង្រីកថ្ពាល់ឲ្យមើលទៅស្រដៀងតុក្កតា Bratz តែម្ដង។ តួយ៉ាង បបូរមាត់របស់នាង មិនត្រឹមតែបង្កើននូវទំនុកចិត្តលើខ្លួននាងប៉ុណ្ណោះទេ វាថែមទាំងធ្វើឲ្យបុរសមួយចំនួនមកពីតាមបណ្ដាប្រទេសផ្សេងៗស្នើសុំជួបនាងផ្ទាល់ ដែលសន្យាផ្ដល់ប្រាក់ធ្វើដំណើរឲ្យនាងផងដែរ។

យ៉ាងណាមិញ បើទោះបីជាបច្ចុប្បន្ននេះ បបូរមាត់មានទំហំធំលើសមនុស្សទូទៅដ៏ដោយ ក៏នាងនៅមិនទាន់ស្កប់ចិត្តឡើយ ដោយមានគម្រោងនឹងកែឲ្យធំបន្ថែមទៀតសម្រាប់ថ្ងៃបុណ្យណូអែលខាងមុខ ដែលជាលើកទី២៧ចំពោះការកែរបស់នាង។ ហើយនាងក៏មិនមានការភ័យខ្លាចថា បបូរមាត់នឹងផ្ទុះនាថ្ងៃអនាគតដែរ៕

ប្រភព: Daily Mail

សូមទស្សនារូបភាពខាងក្រោម៖