ដឹងការពិតហើយ ហេតុអីបានជា Moonbyul ក្លាយជាតារា kpop ព្រោះតែ Taeyeon

កម្សាន្ត៖ តារាKpop ដែលមានប្រជាប្រិយភាពល្បីល្បាញ Moonbyul បានទម្លាយ រឿងពិតមួយ ដែលជាចំណុចចាប់ផ្ដើម ធ្វើឲ្យនាងក្លាយជា តារាចម្រៀង ដូចសព្វថ្ងៃ។ នាងបានធ្វើឲ្យគេគ្រប់គ្នាភ្ញាក់ផ្អើលយ៉ាងខ្លាំង បន្ទាប់ពីបានដឹងមូលហេតុ ដែលលើកទឹកចិត្ត ឲ្យនាងឈានមកដល់ចំណុចនេះ។ 

កាលពីពេលកន្លងទៅនេះ Moonbyul បានចូលរួមកម្មវិធីមួយដែលមាន Taeyeon ជាភ្ញៀវកិត្តិយសផងដែរ។ តារាស្រីនេះ បានសារភាពថា នាងជាហ្វេនម្នាក់របស់ Taeyeon ហើយសូម្បីតែទូរស័ព្ទរបស់នាងក៏ដាក់តាំងរូប Taeyeon ធ្វើជា Lockscreen ផងដែរ។

សមាជិកក្រុម Mamamoo រូបនេះ បន្ដទៀតថា នាងចង់ធ្វើជាតារាចម្រៀង តែនាងមិនដឹងធ្វើយ៉ាងម៉េចទេ ដោយឡែកនាងបានដើរតាមគន្លោងរបស់ Taeyeon ដោយនាងបានទៅ ហាត់សមច្រៀង នៅកន្លែងដែល Taeyeon ធ្លាប់រៀន និង បានរៀនច្រៀងចម្រៀងរបស់ក្រុម SNSD ទៀតផង។ 

គួរបញ្ជាក់ផងដែរថា Taeyeon មិនដឹងខ្លួននោះឡើយថា ខ្លួនបានជួយតារាស្រីរូបនេះ ហើយនាងបានសរសើរទៅលើសមត្ថភាព Moonbyul រហូតធ្វើឲ្យនាងស្រក់ទឹកភ្នែក ព្រោះតែរំភើបពេក។ បន្ថែមពីនោះ Moonbyul បានភ័យញ័រយ៉ាងខ្លាំង មុននឹងថតកម្មវិធីនេះ ព្រោះតែនាងបានជួបអាយរបស់ខ្លួន៕

ប្រភព៖ KpopStarZ