បរទេស៖ មេរោគកូវីដ១៩បំប្លែងខ្លួនប្រភេទថ្មី អូមីក្រុង (Omicron) ត្រូវបានរកឃើញនៅលើអ្នកដំណើរចំនួន១៣នាក់ ដែលមកដល់រដ្ឋធានី អាំស្ទែដាំ របស់ប្រទេសហូឡង់ តាមជើងហោះហើរចំនួនពីរចេញពីប្រទេសអាហ្វ្រិកខាងត្បូង។ នេះបើតាមប្រភពព័ត៌មាន BBC។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការរកឃើញករណីឆ្លងនេះកើតឡើង ខណៈដែលការរឹតបន្តឹងចូលជាធរមាននៅក្នុងប្រទេសហូឡង់ បន្ទាប់ពីមានការព្រួយបារម្ភពីការឆ្លងរីករាលដែលនៃមេរោគបំប្លែងថ្មី Omicron ហើយអ្នកវិជ្ជមានមេរោគថ្មីនេះ គីស្ថិតក្នុងចំណោមអ្នកដំណើរចំនួន ៦១នាក់។
មេរោគបំប្លែងថ្មី Omicron ត្រូវបានប្រទេសអាហ្វ្រិកខាងត្បូងធ្វើរាយការណ៍លើកដំបូងទៅកាន់អង្គការសុខភាពពិភពលោកកាលពីថ្ងៃទី ២៤ ខែវិច្ឆការកន្លងទៅនេះ ហើយភស្ថុតាងដំបូងបានបង្ហាញថា វីរុសនេះមានហានិភ័យនៃការឆ្លងរីករាលដាលខ្លាំង។ បន្ថែមនឹងនោះដែរ អង្គការសុខភាពពិភពលោកហៅ វាថាជាមេរោគបំប្លែងថ្មីគួរឲ្យព្រួយបារម្ភ។
គួរឱ្យដឹងដែរថា អាជ្ញាធរសុខាភិបាលហូឡង់ក៏បានព្យាយាមទាក់ទង និងធ្វើតេស្តអ្នកដំណើររាប់ពាន់នាក់ផ្សេងទៀត ដែលបានធ្វើដំណើរមកពីអាហ្វ្រិកខាងត្បូងចំនួន៧ប្រទេស រួមមាន បុតស្វាណា, អេស្វាទីនី, ឡឺសូតូ, ម៉ូសំប៊ិក, ណាមីប៊ី, អាហ្វ្រិកខាងត្បូង ស៊ីមបាវេ ចាប់តាំងពីថ្ងៃច័ន្ទមកម្ល៉េះ៕