ចិន៖ តំបន់ជាច្រើនក្នុងប្រទេសចិន បានសម្រេចបន្ថែមការឈប់សម្រាកលំហែមាតុភាពយ៉ាងហោចណាស់ចំនួន៣០ថ្ងៃ ក្នុងគោលបំណងចុងក្រោយបង្អស់ដើម្បីលើកទឹកចិត្តប្រជាពលរដ្ឋឲ្យយកកូនបន្ថែម ខណៈប្រទេសនេះប្រឈមនឹងវិបត្តិអត្រាកំណើតទាប និងមន្ត្រីកំពុងជួបប្រទះនូវបញ្ហាជាមួយនឹងកម្លាំងការងារ ដែលមានវ័យចំណាស់យ៉ាងឆាប់រហ័ស និងសេដ្ឋកិច្ចធ្លាក់ចុះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង កាលពីថ្ងៃសុក្រ ខែវិច្ឆិកាចុងសប្ដាហ៍មុន រដ្ឋាភិបាលក្រុងប៉េកាំងបានប្រកាសថា ស្ត្រីឥឡូវអាចឈប់សម្រាកលំហែមាតុភាពបានចំនួន១៥៨ថ្ងៃ ពោលគឺកើនឡើង៣០ថ្ងៃតែម្ដង។ ចំណែកអាជ្ញាធរក្រុងសៀងហៃ បានប្រកាសពីការផ្លាស់ប្ដូរស្រដៀងគ្នានេះដែរ ចាប់ផ្ដើមពីមួយថ្ងៃមុននេះ ហើយខេត្តហ្សឺជាំងភាគខាងកើតវិញ ស្ត្រីជាម្ដាយដែលមានកូនទី២ ឬទី៣ អាចឈប់សម្រាកសរុបចំនួន១៨៨ថ្ងៃឯណោះ ទាំងដែលថ្ងៃឈប់សម្រាកទូទៅត្រឹមតែ៩៨ថ្ងៃប៉ុណ្ណោះ។
យ៉ាងណាមិញ ជុំវិញការសម្រេចខាងលើនេះ បានធ្វើឲ្យមនុស្សមួយចំនួនបានសម្ដែងការព្រួយបារម្ភជាខ្លាំងថា វាអាចធ្វើឲ្យក្រុមហ៊ុននីមួយៗគិតពិចារណាយូរ អំពីមុនការទទួលស្ត្រីឲ្យចូលធ្វើការ និងអត្រាអត់ការងារធ្វើរបស់ស្ត្រីនឹងកាន់តែខ្ពស់ឡើងផងដែរ៕
ប្រភព: CNA