ផ្ទះធម្មតាស៊ាំភ្នែកពេក! បុរសអ្នកមាន សង់ផ្ទះមួយខ្នងឲ្យប្រពន្ធ តាមគំរូប្រាសាទដ៏ល្បីនៅឥណ្ឌា

ឥណ្ឌា៖ បុរសជនជាតិឥណ្ឌាម្នាក់ ជាគ្រូបង្រៀនដែលមានទ្រព្យសម្បត្តិស្កុកស្ដម្ភ បានសាងសង់សំណង់ប្រាសាទមួយ តាមគំរូប្រាសាទថ្មម៉ាប Taj Mahal ដ៏ល្បីល្បាញប្រចាំប្រទេសឥណ្ឌា សម្រាប់ភរិយា ដើម្បីបង្ហាញពីនិមិត្តរូបនៃសេចក្ដីស្រលាញ់ចំពោះនាង។

លោក Anand Prakash Chouksey អាយុ៥២ឆ្នាំ បានចំណាយប្រាក់យ៉ាងច្រើនសន្ធឹកសន្ធាប់ និងបញ្ចប់ការសាងសង់ប្រាសាទក្រោយពីរយៈពេលបីឆ្នាំ ដែលមានទំហំប្រហែលមួយភាគបីនៃទម្រង់សំណងប្រាសាទដើម ដោយទំហំជាង៩២៩ម៉ែត្រការ៉េ និងដំបូលខាងលើមានប៉មដូចចេតិយ។ ចំណែកផ្នែកខាងក្នុងមានបន្ទប់គេងចំនួន៤ សាលប្រជុំ១ បណ្ណាល័យ១ រួមទាំងមានបន្ទប់សមាធិ១ផងដែរ។

តួយ៉ាង ស្ត្រីជាភរិយាបានបដិសេធមិនព្រមប្រាប់ពីតម្លៃប្រាសាទនេះឡើយ និងនិយាយថា៖

យ៉ាងណាមិញ សព្វថ្ងៃនេះ បុរសអ្នកមានខាងលើ រួមទាំងភរិយា និងកូនៗចំនួនពីរនាក់ បានរស់នៅយ៉ាងមានផាសុកភាពក្នុងផ្ទះដ៏ប្រណិត។ ហើយទន្ទឹមនឹងនេះ ក៏មានអ្នកស្រុក និងភ្ញៀវទេសចរចោមរោមមើលផ្ទះរបស់ពួកគាត់ដែរ ដែលមានមនុស្សជាច្រើនសង្ឃឹមថា នឹងអាចបានថតរូបអាពាហ៍ពិពាហ៍ ដោយចំណាយប្រាក់ជួលទីតាំងផងដែរ។

គួរឲ្យដឹងថា ប្រាសាទថ្មម៉ាប Taj Mahal របស់ប្រទេសឥណ្ឌា ត្រូវបានសាងសង់ឡើងដោយអធិរាជ Mughal Shah Jahan នៅចន្លោះឆ្នាំ១៦៣២ និង១៦៥៣ ជាផ្នូ.រសម្រាប់ព្រះហេសីរបស់ទ្រង់ ដើម្បីបង្ហាញពីសេចក្ដីស្រលាញ់។ ហើយមកទល់សព្វថ្ងៃនេះ វាបានក្លាយជាកន្លែងទេសចរណ៍ដ៏ល្បីល្បាញបំផុតសម្រាប់ភ្ញៀវទេសចរ ដែលមានអ្នកចូលទស្សនាយ៉ាងច្រើនកុះករជារៀងរាល់ថ្ងៃ៕

ប្រភព: Daily Mail

សូមទស្សនារូបភាពខាងក្រោម៖