បរទេស៖ រាងកាយរបស់សត្វស្លាបកំពុងរួមតូច ដែលជាលទ្ធផលនៃការប្រែប្រួលអាកាសធាតុ សូម្បីតែនៅកន្លែងដូចជាព្រៃអាម៉ាហ្សូន ដែលមិនត្រូវបានប៉ះពាល់ដោយដៃមនុស្សក៏ដោយ។ ក្រុមអ្នកស្រាវជ្រាវបានសិក្សាព័ត៌មានអំពីសត្វស្លាប ដែលមិនធ្វើចំណាកស្រុកជាង១៥,០០០ក្បាល រហូតដល់៧៧ប្រភេទ ក្នុងរយៈពេល៤០ឆ្នាំ ដែលត្រូវបានគេចាប់បាននៅក្នុងព្រៃអាម៉ាហ្សូន ហើយពួកវាត្រូវបានគេបិទស្លាក និងបន្ទាប់មកត្រូវបានដោះលែងវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកវិទ្យាសាស្ត្របានរកឃើញថា ស្ទើរតែទាំងអស់នៃខ្លួនរបស់សត្វស្លាប មានភាពស្រាលជាងមុន ចាប់តាំងពីទសវត្សរ៍ឆ្នាំ១៩៨០ ដោយបាត់បង់ជាមធ្យម២ភាគរយនៃទម្ងន់រាងកាយរបស់ពួកវា រៀងរាល់ទសវត្សរ៍ នេះបើយោងតាមការសិក្សាថ្មីមួយ ដែលទើបតែចេញផ្សាយនៅក្នុងទិនានុប្បវត្តិ Science Advances។
សម្រាប់ប្រភេទបក្សីជាមធ្យមដែលមានទម្ងន់ប្រហែល៣០ក្រាម ក្នុងទសវត្សរ៍ឆ្នាំ១៩៨០ ចំនួនទាំងនេះឥឡូវជាមធ្យមមានទម្ងន់ប្រហែល២៧.៦ក្រាម។ អ្នកស្រាវជ្រាវគិតថា បញ្ហានេះពិតជាកើតឡើងទូទៅ ប្រហែលមិនមែនតែនៅលើប្រភេទសត្វស្លាបតែប៉ុណ្ណឹងនោះឡើយ។ អ្នកស្រាវជ្រាវបានរកឃើញថា សត្វស្លាបដែលរស់នៅទីខ្ពស់ក្នុងព្រៃ ដែលប្រឈមនឹងលក្ខខណ្ឌកម្ដៅនិងស្ងួតខ្លាំង មានការប្រែប្រួលយ៉ាងខ្លាំងនៃទម្ងន់ខ្លួននិងទំហំស្លាប។
ពួកគេបានកត់សម្គាល់ថា ការស្រកទម្ងន់រាងកាយនិងការកើនឡើងប្រវែងស្លាបមានន័យថា សត្វបក្សីប្រើប្រាស់ថាមពលកាន់តែមានប្រសិទ្ធភាព។ ការសិក្សាបានសន្និដ្ឋានថា ការកើនឡើងអាកាសធាតុគឺជាកម្លាំងជំរុញនៃការផ្លាស់ប្ដូរទាំងនេះ ប៉ុន្តែយន្តការនៃដំណើរប្រព្រឹត្តិទៅបែបនេះ គឺមិនច្បាស់លាស់ទាំងស្រុងនោះទេ៕
ប្រភព: CNN