កាណា៖ សត្វទីទុយឥន្ទ្រី ឬហៅថា Shelley’s Eangle-Owl ដែលមានដើមកំណើតនៅអាហ្វ្រិកកណ្ដាលនិងខាងលិចក្នុងទសវត្សរ៍ឆ្នាំ១៨៧០ ហើយវាត្រូវបានគេចាត់ថ្នាក់ជាផ្លូវការថាស្ថិតក្នុងហានិភ័យនៃការផុតពូជ ដោយសារតែពួកវាមានត្រឹមតែពីរបីពាន់ក្បាលប៉ុណ្ណោះ និងត្រូវបានគេជឿជាក់ដែរថាអាចនៅរស់រានមានជីវិតក្នុងព្រៃផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង កាលពីប៉ុន្មានថ្ងៃមុននេះ មានអ្នកវិទ្យាសាស្ត្រអង់គ្លេសចំនួនពីរនាក់ បានប្រទះឃើញវាជាលើកដំបូងដោយទុំលើមេកឈើ នៅក្នុងព្រៃ Atewa ប្រទេសកាណា ក្នុងរយៈពេល១៥០ឆ្នាំមកនេះ។ ហើយវាមិនបានបង្ហាញខ្លួនឲ្យគេឃើញយូរឡើយ ដោយត្រឹមតែរយៈពេលប្រហែលពី១០ទៅ១៥វិនាទីប៉ុណ្ណោះ តែរូបភាពដែលថតបាន អាចបញ្ជាក់ពីអត្តសញ្ញាណរបស់វាតែម្ដង ដោយវាមានភ្នែកពណ៌ខ្មៅខុសគេ ជំពុះរៀងលឿង និងទំហំធំជាដើម។
យ៉ាងណាមិញ គួរឲ្យដឹងដែរថា សត្វទីទុយឥន្ត្រីប្រភេទពូជនេះ អាចលូតលាស់ដល់កម្ពស់មធ្យមចន្លោះពី៥៣ ទៅ៦១សង់ទីម៉ែត្រ និងទម្ងន់១.២គីឡូក្រាម ហើយស្លាបរបស់ពួកវាអាចលាតសន្ធឹងពី៤០ ទៅ៥០សង់ទីម៉ែត្រផងដែរ៕
ប្រភព: Ladbible
សូមទស្សនារូបភាពខាងក្រោម៖