ចាស់ៗហើយ! World Cup ២០២២ អាចនឹងជាការបង្ហាញខ្លួនលើកចុងក្រោយរបស់កីឡាករឆ្នើមទាំង៥រូបនេះ - Khmerload

ចាស់ៗហើយ! World Cup ២០២២ អាចនឹងជាការបង្ហាញខ្លួនលើកចុងក្រោយរបស់កីឡាករឆ្នើមទាំង៥រូបនេះ

https://s9.kh1.co/36/36da9a906264a53ea35d68c01eae86f4fdfd0b16.jpg
កីទ្បា
 21-Oct-2021 3pm · a month ago

World Cup ២០២២ អាចនឹងក្លាយជាការបង្ហាញខ្លួនលើកចុងក្រោយសម្រាប់ Lionel Messi, Cristiano Ronaldo, Giorgio Chiellini, Karim Benzema និង Neymar

អង់គ្លេស៖ កំពូលកីឡាករបាល់ទាត់ Lionel Messi និង Cristiano Ronaldo ស្ថិតនៅក្នុងបញ្ជីឈ្មោះកីឡាករដែលត្រូវបានគេរំពឹងថានឹងចូលលេងការប្រកួតពានរង្វាន់ World Cup ជាលើកចុងក្រោយនៅក្នុងឆ្នាំ២០២២។

https://s9.kh1.co/__image/w=650,h=366,q=100/0d/0df0856354a9b59ffca9254ad3aa30547ff8c45c.png
កីឡាករ Lionel Messi និង Cristiano Ronaldo
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាការពិតណាស់ ព្រឹត្តិការណ៍​ World Cup ជា ពានរង្វាន់ដែលរៀបចំរៀងរាល់បួនឆ្នាំម្តង ហើយ បើយើងក្រឡេកទៅមើលវ័យរបស់ Messi នៅក្នុងឆ្នាំ២០២២ នឹងឈានចូលវ័យ៣៥ឆ្នាំ រីឯ Ronaldo នឹងឈានចូលវ័យ៣៧ឆ្នាំ ដូច្នេះអ្នកទាំងពីរមានវ័យរៀងជ្រេបន្តិចហើយប្រសិនបើត្រូវរង់ចាំដល់ការប្រកួត World Cup ២០២៦ ទៀត។ ហេតុនេះហើយទើបគេរំពឹងថា ការប្រកួត World Cup ២០២២ នឹងក្លាយទៅជាការបង្ហាញខ្លួនលើកចុងក្រោយបង្អស់របស់ស្តេចបាល់ទាត់ទាំងពីររូបខាងលើក្នុងព្រឹត្តិការណ៍មួយនេះ។

https://s9.kh1.co/__image/w=640,h=500,q=100/e3/e3ee8ae8a6a6cfee5fac1292d8eb014fde26f890.png
កីឡាករ Lionel Messi និង Cristiano Ronaldo

ខាងក្រោមនេះ ជា បញ្ចីឈ្មោះកីឡាករ៣រូបផ្សេងទៀតដែលអាចនឹងលេងក្នុងពានរង្វាន់ World Cup ២០២២ ជាលើកចុងក្រោយ៖

១. Giorgio Chiellini (ក្រុមជម្រើសជាតិអ៊ីតាលី)

Chiellini ជា ខ្សែការពាររបសក្រុមជម្រើសជាតិអ៊ីតាលីដែលបានជាប់ជម្រើសជាតិឈុតតូចតាំងពីឆ្នាំ២០០០ រហូតមានឈ្មោះនៅក្នុងក្រុមឈុតធំនៅក្នុងឆ្នាំ២០០៤ ទៅដល់បច្ចុប្បន្ន។ រូបគេត្រូវបានគេចាត់ទុកជាខ្សែការពារម្នាក់ដែលល្អជាងគេនៅលើលោក ហើយ ថ្មីៗនេះរូបគេក៏ទើបតែនឹងជួយអ៊ីតាលីឲ្យឈ្នះពានរង្វាន់ EURO ២០២០ផងដែរ។ Chiellini នឹងឈានចូលវ័យ៣៨ឆ្នាំក្នុងព្រឹត្តិការណ៍ World Cup ២០២២។

https://s9.kh1.co/__image/w=650,h=366,q=100/7c/7c1285f53ad994e3794a11e4f26d904e2bd5c5e6.png
កីឡាករ Giorgio Chiellini

២. Karim Benzema (ក្រុមជម្រើសជាតិបារាំង)

ខ្សែប្រយុទ្ធរបស់ Real Madrid និង ក្រុមជម្រើសជាតិបារាំង ខាងលើ គឺ ជាកីឡាករដែលល្អជាងគេម្នាក់នៅលើលោកដែលធ្លាប់ស៊ុតបញ្ចូលទីជាច្រើនគ្រាប់ និង ឈ្នះពានរង្វាន់ធំៗជាច្រើននៅក្នុងអាជីព។ ថ្មីៗនេះ Benzema ទើបតែស៊ុតបញ្ចូលទីមួយគ្រាប់ក្នុងការប្រកួតវគ្គផ្តាច់ព្រ័ត្រ Nations League ដើម្បីជួយបារាំងឈ្នះពានរង្វាន់មួយនេះជាលើកដំបូងផងដែរ។ រូបគេនឹងឈានចូលវ័យ៣៥ឆ្នាំក្នុងព្រឹត្តិការណ៍ World Cup ២០២២។

https://s9.kh1.co/__image/w=650,h=401,q=100/8f/8f7d740d790966e299451417af07007921bdb2c0.png
កីឡាករ Karim Benzema

៣. Neymar (ក្រុមជម្រើសជាតិប្រេស៊ីល)

Neymar ជា កីឡាករដែលមានវ័យក្មេងជាងគេ (២៩ឆ្នាំ) នៅក្នុងបញ្ជីកីឡាករដែលអាចនឹងចូលរួមការប្រកួត World Cup ជាលើកចុងក្រោយ។ នាពេលថ្មីៗនេះ កីឡាករសញ្ជាតិប្រេស៊ីល ខាងលើ បានសារភាពតែម្តង ថា រូបគេអាចនឹងចូលនិវត្តន៍ពីក្រុមជម្រើសជាតិក្រោយបញ្ចប់ព្រឹត្តិការណ៍ World Cup នៅប្រទេសកាតាដោយសារបញ្ហារាងកាយ។​ Neymar នឹងឈានចូលវ័យ៣០ឆ្នាំក្នុងព្រឹត្តិការណ៍ World Cup ២០២២៕

https://s9.kh1.co/__image/w=650,h=434,q=100/89/89988b6aa182709328c5b4bf98784dc487ae71e8.png
កីឡាករ Neymar

ប្រភពsportskeeda

Ker Rithy Reach
T.R

អត្ថបទទាក់ទង