វៀតណាម៖ បុរសម្នាក់ឈ្មោះថា Ho Van Lang ត្រូវបានគេដាក់រហ្ស័សនាមឲ្យថា “តាហ្សង់” ឬបុរសព្រៃភ្នំ ក្រោយពីគាត់ធ្លាប់បានរស់នៅក្នុងព្រៃមួយកន្លែងនៃខេត្ត Quang Ngai ប្រទេសវៀតណាម អស់រយៈពេលជាង៤០ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងវីដេអូឯកសារមួយបានឲ្យដឹងថា កាលពីឆ្នាំ១៩៧២ ឪពុករបស់គាត់បានភៀសខ្លួនចេញពីសង្គមទំនើប នៅពេលដែលប្រពន្ធ ត្រូវបានសម្លាប់ដោយការវាយប្រហារតាមអាកាសរបស់សហរដ្ឋអាមេរិកក្នុងអំឡុងសង្គ្រាមវៀតណាម។ ហើយក្រោយមក ការរស់នៅក៏ចាប់ផ្ដើមផ្លាស់ប្ដូរ ដោយរស់នៅពឹងផ្អែកលើផ្លែឈើ ទឹកឃ្មុំ កណ្ដុរ ពស់ ស្វា និងកង្កែបជាដើម។ ហើយប្រហែលជា៨ឆ្នាំមុន ទាំងបីនាក់ឪពុកកូន ត្រូវបានគេជួយសង្គ្រោះ និងនាំយកទៅកាន់ភូមិមួយដែលមានមនុស្សរស់នៅ និងចាប់ផ្ដើមជីវិតថ្មីបែបទំនើបតែម្ដង។ លុះមកដល់ខែកញ្ញា ឆ្នាំ២០២១កន្លងទៅថ្មីៗនេះ គាត់ក៏បានទទួលមរណភាព ស្ថិតក្នុងអាយុ៥២ឆ្នាំ ដោយសារជំងឺមហារីកថ្លើម។
ទន្ទឹមនឹងនេះដែរ លោក Alvaro Cerezo ជាអ្នកតាមដានជីវិតរបស់ក្រុមគ្រួសារខាងលើ បាននិយាយថា៖
ខ្ញុំមិនចូលចិត្តឃើញគាត់រស់នៅក្នុងជីវិតទាន់សម័យឡើយ ហើយខ្ញុំតែងតែព្រួយបារម្ភថាគាត់ និងរាងកាយរបស់គាត់នឹងមិនអាចទប់ទល់នៃការផ្លាស់ប្ដូរជាមួយសម័យទំនើបឡើយ។ គាត់បានចំណាយពេលពេញមួយជីវិតរបស់គាត់រស់នៅក្នុងព្រៃ ហើយបន្ទាប់មកគាត់បានមករស់នៅក្នុងជីវិតសម័យទំនើបវិញ ដែលធ្វើឲ្យគាត់ចាប់ផ្ដើមបរិភោគអាហារកែច្នៃ និងមានពេលខ្លះថែមទាំងផឹកស្រាផងដែរ។
យ៉ាងណាមិញ មានខ្សែវីដេអូមួយ ដែលបង្ហាញឲ្យឃើញថា មុនពេលទទួលមរណភាព បុរសព្រៃភ្នំ បានឃើញពិភពលោកខាងក្រៅជាលើកដំបូង ដោយការជិះយន្ដហោះ ស្នាក់នៅក្នុងសណ្ឋាគារទំនើប ជិះទូកកម្សាន្តដើរលេងតាមសមុទ្រ ដែលធ្វើឲ្យគាត់ភាពសប្បាយរីករាយផងដែរ៕
ប្រភព: Daily Mail
សូមទស្សនារូបភាពនិងវីដេអូខាងក្រោម៖
Bong I.T