អីយ៉ាស់! លេចឮថា Arsenal ចង់បានកីឡាករធ្លាក់កូដ របស់ R.Madrid រូបនេះ មកជំនួស Lacazette - Khmerload

អីយ៉ាស់! លេចឮថា Arsenal ចង់បានកីឡាករធ្លាក់កូដ របស់ R.Madrid រូបនេះ មកជំនួស Lacazette

https://s9.kh1.co/39/391328ed3fb07dc5ebdf099c7be56f36d2f8ff4e.jpg
កីទ្បា
 18-Oct-2021 2pm · 2 months ago

ក្រុមកាំភ្លើងធំ Arsenal ត្រូវបានគេរាយការណ៍ថា បានដាក់រ៉ាដាលើកីឡាករ Luka Jovic របស់ក្រុមអធិរាជស Real Madrid ថាជាអ្នកជំនួសកន្លែងកីឡាករ Alexandre Lacazette ដ៏ល្អម្នាក់។

អឺរ៉ុប៖ ក្រុមកាំភ្លើងធំ Arsenal ត្រូវបានគេរាយការណ៍ថា បានដាក់រ៉ាដាលើកីឡាករ Luka Jovic របស់ក្រុមអធិរាជស Real Madrid ថាជាអ្នកជំនួសកន្លែងកីឡាករ Alexandre Lacazette ដ៏ល្អម្នាក់។

https://s9.kh1.co/__image/w=650,h=450,q=100/ff/ff76048042553c9c9736d9da2a6faf3d209e472c.jpg
Lacazette
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ Lacazette ត្រូវគេរំពឹងថាបានឈានដល់វេលាចុងក្រោយ នៅទឹកដី Emirates ហើយ ខណៈកិច្ចសន្យានឹងផុតកំណត់នៅរដូវក្ដៅឆ្នាំ២០២២ ហើយក្រុម Arsenal នឹងត្រូវស្វែងរកកីឡាករមកជំនួសកន្លែងរបស់គាត់។

https://s9.kh1.co/__image/w=650,h=434,q=100/c6/c6e5aec6cbac16700548679db5012cf669a6f2ab.jpeg
Jovic 

ជាក់ស្ដែង ​ខ្សែប្រយុទ្ធ Dominic Calvert-Lewin ត្រូវបានគេគិតថា នឹងស្ថិតនៅលើរ៉ាដារបស់ក្រុមកកាំភ្លើងធំ សម្រាប់ទីផ្សារដោះដូរក្ដៅក្រោយ ប៉ុន្ដែ ពួកគេទំនងពិបាកដណ្ដើមយកកីឡាករសញ្ជាតិអង់គ្លេសរូបនេះ ចេញពីកណ្ដាប់ដៃរបស់ក្រុម Everton ណាស់។

ទោះជាយ៉ាងណា យោងតាម Fichajes បានឲ្យដឹងថា លោកគ្រូបង្វឹក ​Mikel Arteta ក៏បានសម្លឹងឃើញ Jovic ដោយផ្ទាល់ផងដែរ ក្នុងការយកមកជំនួសកន្លែងរបស់​ Lacazette ស្របពេលខ្សែប្រយុទ្ធសញ្ជាតិក្រូអាតរូបនោះ ក៏ពុំសូវមានឳកាសបង្ហាញខ្លួននៅ Real Madrid ទេ។

https://s9.kh1.co/__image/w=640,h=480,q=100/b0/b0eb8fcf51f12ababe2e9700f4273ebccf307dbb.jpg
Jovic 

របាយការណ៍បន្ថែមថា Jovic ក៏មានបំណងចាកចេញឲ្យបានឆាប់បំផុត តាមដែលអាចធ្វើបានផងដែរ ដូច្នេះមានន័យថា នៅទីផ្សារដោះដូរកីឡាករខែមករាខាងមុខនេះ ជាសញ្ញាល្អមួយសម្រាប់ Arsenal៕

ប្រភពsportsmole

Chheng Bouthorng
B.T

អត្ថបទទាក់ទង