ភ្នំពេញ៖ កំពូលតារាចម្រៀងស្រីសម្លេងផ្អែមមុតកញ្ញា មាស សុខសោភា បច្ចុប្បន្នកំពុងតែទទួលបានការគាំទ្រ និងចាប់អារម្មណ៍យ៉ាងខ្លាំងពីមហាជនគ្រប់ស្រទាប់។ ពិតណាស់ បើទោះបីតារារូបនេះ ប្រឡូកក្នុងវិស័យចម្រផងអស់ជាច្រើនឆ្នាំ តែនាងនៅតែមានប្រជាប្រិយភាពខ្លាំងដដែល។ លើសពីនេះទៅទៀត ពីមួយឆ្នាំទៅមួយឆ្នាំកាន់តែមានការងារច្រើនជាងមុន ស្ទើរគ្មានពេលទំនេរតែម្ដង។
យ៉ាងណាមិញ គេដឹងទៀតថាកញ្ញា មាស សុខសោភា មិនត្រឹមតែជាតារាស្រីល្បីប្រចាំប្រទេសប៉ុណ្ណោះទេ តែនាងថែមទាំងជាតារាមួយរូបដែលមានអត្តចរិតល្អ មានភាពរួសរាយទៀតផង។ ម្យ៉ាងវិញទៀត នាងក៏ជាសិល្បការិនីមួយរូបដែលមិនចេះតបតទៅកាន់អ្នករិះគន់ និងមិនដែលបង្ហាញទង្វើមិនល្អនៅលើបណ្ដាញសង្គមផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង ថ្មីៗនេះកញ្ញា មាស សុខសោភា បានធ្វើការឡាយនិយាយពីចំណុចខ្សោយរបស់ខ្លួនឯង ខណៈដែលនាងចេះតែច្រៀង និងប្រើសម្លេងតែមុខ។ ក្នុងនោះដែរនាងក៏បានបន្ថែមនៅក្នុងវីដេអូនោះ ផ្ញើរទៅកាន់អ្នកដែលនិយមធ្វើចរិតតួឯកយ៉ាងដូច្នេះថា៖
គ្មានអ្វីដែលឋិតថេរនោះទេលើលោកនេះ កុំប្រកាន់ចរិតតួឯក អ្នកទាំងអស់គ្នាបានអ្វីមួយមក វាមិនឋិតថេរទេ អ៊ីចឹងសូមកុំមើលងាយគេ ថ្ងៃនេះគេមិនល្បី ថ្ងៃក្រោយគេអាចនឹងល្បី ហើយថ្ងៃនេះគេក្រ ថ្ងៃក្រោយគេអាចនឹងមាន ដូច្នេះសូមឲ្យអ្នកទាំងអស់គ្នាចេះឲ្យតម្លៃ និងគោរពអ្នកនៅជុំវិញខ្លួន កុំរិះគន់គេពេក ចូរមើលខ្លួនឯង តើចេះអ្វីខ្លះ? ដូច្នេះទង្វើទាំងនេះមិនមែនជាសីលធម៌របស់ខ្មែរយើងទេ។
ប្រភពវីដេអូ៖ many1629
សូមទស្សនារូបភាព និងវីដេអូខាងក្រោម៖
