សោកស្ដាយ! គោតឿបំផុត បានទទួលស្គាល់ពីកំណត់ត្រាពិភពលោកហ្គីនណេស ក្រោយពីវាបាត់បង់ជីវិត

បង់ក្លាដែស៖ គោញីមួយក្បាលឈ្មោះថា Rani មកពីកសិដ្ឋានមួយក្បែរទីក្រុង Dhaka នៃប្រទេសបង់ក្លាដែស និងត្រូវបានគេចាត់ទុកថាជាគោដែលតូចបំផុតនៅលើពិភព។ ហើយវាមានកម្ពស់ឈរត្រឹមតែជិត៥១សង់ទីម៉ែត្រប៉ុណ្ណោះ និងតូចជាងគោដទៃ ដែលទើបនឹងកើតទៅទៀត។

ទន្ទឹមនឹងនេះដែរ ម្ចាស់របស់វាបានដាក់ពាក្យស្នើសុំទៅកាន់កំណត់ត្រាពិភពលោកហ្គីនណេស ដើម្បីឲ្យទទួលស្គាល់វាថាជាគោតូចបំផុត តែជាអកុសលវាបានបាត់បង់ជីវិតនៅថ្ងៃទី១៩ ខែសីហា ឆ្នាំ២០២១កន្លងទៅនេះ ដោយសារតែការកើនឡើងនៃខ្យល់ខាងក្នុងខ្លួនខ្លាំងពេក។ ហើយលុះមកដល់ថ្ងៃទីចន្ទទី២៦ ខែកញ្ញាដើមសប្ដាហ៍នេះ ខាងកំណត់ត្រាពិភពលោកហ្គីនណេស ក៏បានចេញនូវសេចក្ដីព្រមព្រៀងទទួលវាតែម្ដង។

យ៉ាងណាមិញ បុរសជាម្ចាស់គោញីតឿនេះ មានអារម្មណ៍មិនច្បាស់លាស់ឡើយថាគួរសប្បាយចិត្តឬយ៉ាងម៉េចទេ ព្រោះពេលនេះ គោររបស់គាត់លែងមានជីវិតនៅជាមួយគាត់ទៀតហើយ៕

ប្រភព: Daily Mail

សូមទស្សនារូបភាពនិងវីដេអូខាងក្រោម៖