អ្នកវិភាគម្នាក់បានទាយថា iPhone អេក្រង់បត់នឹងចេញនៅឆ្នាំ២០២៤ - Khmerload

អ្នកវិភាគម្នាក់បានទាយថា iPhone អេក្រង់បត់នឹងចេញនៅឆ្នាំ២០២៤

https://s9.kh1.co/3e/3e1262fc61009e38980e257c44ec66f0ef7d0dc3.jpg
បច្ចេកវិទ្យា
 21-Sep-2021 10am · 2 months ago

គាត់បាននិយាយថា iPhone អេក្រង់បត់ដំបូងគេបំផុតរបស់ Apple នឹងមានបន្ទះបង្ហាញ QHD+ ទំហំ8អ៊ីញ។

បរទេស៖ អ្នកវិភាគផលិតផលរបស់ Apple លោក Ming-Chi Kuo បានទស្សន៍ទាយថា Touch ID នៅក្រោមអេក្រង់នឹងមកដល់នៅឆ្នាំ២០២៣ បូករួមនឹងពេលដែលគាត់រំពឹងថា នឹងមានទូរសព្ទ iPhone អេក្រង់បត់។

លោក Kuo បានផ្ដោតលើគំរូ iPhone អេក្រង់បត់ ក្នុងខែឧសភា ឆ្នាំ២០២១។ នៅពេលនោះ គាត់បាននិយាយថា iPhone អេក្រង់បត់ដំបូងគេបំផុតរបស់ Apple នឹងមានបន្ទះបង្ហាញ QHD+ ទំហំ8អ៊ីញ។ បន្ទះបង្ហាញនេះត្រូវបានគេរំពឹងថានឹងមាន resolution 3,200 x 1,800។ ប្រសិនបើការរាយការណ៍នេះត្រឹមត្រូវ នោះវាច្បាស់ជាបន្ទះដែលមានគុណភាពបង្ហាញខ្ពស់ ជាងអេក្រង់7.3អ៊ីញ QXGA+ របស់ Samsung អេក្រង់បត់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដំបូងឡើយ លោក Kuo បាននិយាយថា Apple អាចនឹងផលិតទូរសព្ទ iPhone អេក្រង់បត់បានចន្លោះពី ១៥លាននិង២០លានគ្រឿង ក្នុងឆ្នាំ២០២៣។ ទោះជាយ៉ាងណា ជាមួយរបាយការណ៍ចុងក្រោយ លោក Kuo ជឿថា វានឹងរួចរាល់សម្រាប់រដូវកាលបញ្ចេញទូរសព្ទ iPhone ដូចរាល់ដង ប៉ុន្តែនៅក្នុងរដូវស្លឹកឈើជ្រុះ ឆ្នាំ២០២៤៕

https://s9.kh1.co/__image/w=650,h=392,q=100/79/79def24ac0c81f3dc3e245411072c3a039fa071f.png
រូបតំណាង iPhone អេក្រង់បត់

ប្រភព: AppleInsider

Chhen Hangly
H.L

អត្ថបទទាក់ទង