បរទេស៖ អ្នកវិភាគផលិតផលរបស់ Apple លោក Ming-Chi Kuo បានទស្សន៍ទាយថា Touch ID នៅក្រោមអេក្រង់នឹងមកដល់នៅឆ្នាំ២០២៣ បូករួមនឹងពេលដែលគាត់រំពឹងថា នឹងមានទូរសព្ទ iPhone អេក្រង់បត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Kuo បានផ្ដោតលើគំរូ iPhone អេក្រង់បត់ ក្នុងខែឧសភា ឆ្នាំ២០២១។ នៅពេលនោះ គាត់បាននិយាយថា iPhone អេក្រង់បត់ដំបូងគេបំផុតរបស់ Apple នឹងមានបន្ទះបង្ហាញ QHD+ ទំហំ8អ៊ីញ។ បន្ទះបង្ហាញនេះត្រូវបានគេរំពឹងថានឹងមាន resolution 3,200 x 1,800។ ប្រសិនបើការរាយការណ៍នេះត្រឹមត្រូវ នោះវាច្បាស់ជាបន្ទះដែលមានគុណភាពបង្ហាញខ្ពស់ ជាងអេក្រង់7.3អ៊ីញ QXGA+ របស់ Samsung អេក្រង់បត់។
ដំបូងឡើយ លោក Kuo បាននិយាយថា Apple អាចនឹងផលិតទូរសព្ទ iPhone អេក្រង់បត់បានចន្លោះពី ១៥លាននិង២០លានគ្រឿង ក្នុងឆ្នាំ២០២៣។ ទោះជាយ៉ាងណា ជាមួយរបាយការណ៍ចុងក្រោយ លោក Kuo ជឿថា វានឹងរួចរាល់សម្រាប់រដូវកាលបញ្ចេញទូរសព្ទ iPhone ដូចរាល់ដង ប៉ុន្តែនៅក្នុងរដូវស្លឹកឈើជ្រុះ ឆ្នាំ២០២៤៕
ប្រភព: AppleInsider