រាជធានីភ្នំពេញ ៖ ដូចដឹងស្រាប់ហើយថា មួយរយៈចុងក្រោយនេះ តារាចម្រៀង សួស វីហ្សា និងស្វាមី បានបង្កើតមុខរបរថ្មី គឺលក់កាបូបតាមអនឡាញ ដោយការផ្សាយបន្តផ្ទាល់ ក្នុងបណ្តាញសង្គមហ្វេសប៊ុក ដែលមានហ្វេនៗជាច្រើន ចូលចិត្តទិញនិងទស្សនា ម្តងៗយ៉ាងច្រើននាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះ កាលពីយប់មិញនេះ នរណាៗក៏ភ្ញាក់ផ្អើល និងផ្ទុះការចាប់អារម្មណ៍ដែរ ក្រោយពេល គូស្វាមីភរិយា តារាចម្រៀង សួស វីហ្សា និងស្វាមី Liveលក់ម្តង មានអ្នកទស្សនារហូតដល់ ១២ម៉ឺននាក់ ដែលចំនួននេះ ត្រូវមហាជនលើបណ្តាញសង្គម គិតថា ជាតួលេខច្រើនបំផុតក្នុងប្រវត្តិសាស្ត្រនៃការLive នៅកម្ពុជា ដោយចំនួនច្រើនមែន តែគ្មានការជេរហែកហួរគ្នា។
ផ្ទុយទៅវិញ ចំនួន១២ម៉ឺននាក់នេះ ជាចំនួនអ្នកទស្សនា ដែលចូលមកមើល ហើយសប្បាយចិត្តនិងផ្ទុះសំណើច ដោយសារតែ ការលេងសើចរបស់គូស្វាមីភរិយាមួយគូនេះ ជាពិសេសគឺ លោក ថមមី ស្វាមីតារាស្រីរូបនេះ ក្នុងការសម្តែងជាតួស្រីញិកញ៉ុក ដោយគ្រាន់តែបើកLiveភ្លាម អ្នកទស្សនាលោតដល់ចំនួននេះនៅប៉ុន្មាននាទីក្រោយ តែប៉ុណ្ណោះ៕
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖