ហ្វេនៗភ្ញាក់ផ្អើល ក្រោយល្បីថា អតីតស្វាមី Zhao Liying ទុកកូនចោលជាមួយនឹងអ្នកបើកឡាន

ចិន៖ កាលពីព្រឹកថ្ងៃទី ១៨ ខែកញ្ញា កន្លងទៅនេះ យោងតាម ទំព័រដ៏ល្បីមួយបានរាយការណ៍ថា មានអ្នកប្រមាញ់រូបថតបានចាប់យករូបភាពរបស់តារាសម្ដែងប្រុស លោក Feng Shaofeng និងកូនប្រុសបានលេចមុខនៅហាងលក់រថយន្តមួយនៅទីក្រុងប៉េកាំង ព្រមទាំងជាពេលវេលាដ៏កម្រមួយ ដែលអតីតស្វាមីរបស់តារាស្រី Zhao Liying បានបង្ហាញខ្លួនជាមួយនឹងកូនប្រុស។

យ៉ាងណាមិញ នៅក្នុងនោះដែរ តារាប្រុសរូបនេះ ស្រាប់តែបានបង្កភាពចម្រូងចម្រាសនៅលើបណ្តាញសង្គមដោយសារតែសកម្មភាពតូចតាចមួយ បន្ទាប់ពីចុះពីឡានភ្លាម លោក​ Feng Shaofeng និងអ្នកបើកបរហាក់ជាប់រវល់រៀបចំរបស់របរនៅពីក្រោយឡាន ដោយទុកកូនប្រុសរបស់ខ្លួនអង្គុយយ៉ាងស្រួលនៅក្នុងឡានលេងដោយខ្លួនឯង។ 

ក្រោយពីនោះ តារាប្រុសរូបនេះ បានទៅនិយាយជាមួយកូនប្រុសរបស់ខ្លួនមួយសន្ទុះ បន្ទាប់មកក៏ចូលទៅខាងក្នុងហាងលក់រថយន្ត ដែលធ្វើឲ្យមនុស្សជាច្រើន បានថ្កោលទោសចំពោះអាកប្បកិរិយានៃការទុកកូនប្រុសតូចចោលតែម្នាក់ឯងឲ្យនៅជាមួយនឹងអ្នកបើកបរ ដែលកំពុងតែរវល់រៀបចំរបស់របរលើឡានរបស់ខ្លួន ថែមទៀតផង៕

ប្រភព៖ Kenh14

សូមទស្សនារូបភាពខាងក្រោម៖