នៅចិនមានឡានតេស្តចល័ត តែនៅវៀតណាមវិញប្រែពី.រទេះប្រហិត ក្លាយជារទេះតេស្តកូវីដចល័ត

វៀតណាម៖ នៅឯប្រទេសចិន បានបង្កើតនូវរ៉ូបូតតូចមួយ និងដាក់លើរថយន្ដ ដើម្បីបើកការធ្វើតេស្តកូវីដចល័តជូនប្រជាពលរដ្ឋ តែយ៉ាងណាមិញ ងាកមកកាន់ប្រទេសវៀតណាមវិញ បានបង្កើតគំនិតថ្មីមួយ ដោយយករទេះលក់ប្រហិត កែច្នៃទៅជារទេះតេស្តចល័ត ដែលផ្ដល់ភាពងាយស្រួលយ៉ាងខ្លាំង ក្នុងការធ្វើតេស្តជូនប្រជាពលរដ្ឋតាមភូមិ។ ទន្ទឹមនឹងនេះដែរ មានប្រជាជនមួយចំនួនតូច បានក្រឡេកឃើញដំបូង ខំគិតថា មានគេដើរលក់ប្រហិត តែលុះពេលរត់ទៅមើលជិត ទើបដឹងច្បាស់ផងដែរ។

ជាក់ស្ដែង ចំពោះធ្នើរនៃរទេះ ដែលធ្លាប់តែដាក់ប្រហិត បានក្លាយជាកន្លែងផ្ទុកនូវឧបករណ៍វេជ្ជសាស្ត្រ ហើយចំណែកកន្លែងដាក់ចង្ក្រានហ្គាសវិញ បានក្លាយជាកន្លែងដាក់នូវស្រោមដៃ និងម៉ាស់ការពារជាដើម។

យ៉ាងណាមិញ ជុំវិញនៃការដើរប្រមូលសំណាកតាមភូមិបែបនេះ បានជួយសម្រួលភាពភ័យខ្លាចដល់ប្រជាពលរដ្ឋយ៉ាងខ្លាំង និងអាចកាត់បន្ថយកំណើនអ្នកឆ្លង ដែលអ្នកខ្លះមិនហ៊ានទៅធ្វើតេស្តនៅទីប្រជុំជន ដោយសារតែវាមានហានិភ័យខ្ពស់ក្នុងឆ្លងមេរោគមកផ្ទះវិញផងដែរ៕

ប្រភព: laodong

សូមទស្សនារូបភាពខាងក្រោម៖