រកឃើញប្រភេទសត្វនាគហោះបុរាណ នៅតំបន់វាលខ្សាច់ ប្រទេសឈីលី - Khmerload

រកឃើញប្រភេទសត្វនាគហោះបុរាណ នៅតំបន់វាលខ្សាច់ ប្រទេសឈីលី

https://s9.kh1.co/b3/b3271df867c8dbabac18de409c51b883b95efcdd.jpg
បច្ចេកវិទ្យា
 13-Sep-2021 1pm · 3 months ago

នាគនេះដែលហោះហើរនៅលើផែនដីតាំងពី១៦០លានឆ្នាំមុន មានកន្ទុយនិងស្លាបវែង និងមានធ្មេញត្រង់ស្រួច។

ឈីលី៖ អ្នកវិទ្យាសាស្ត្រនៅប្រទេសឈីលីបានរកឃើញផូស៊ីលនៃដាយណូស័រ «នាគហោះ» ដែលជាប្រភេទដំបូងគេ ដែលត្រូវបានរកឃើញនៅអឌ្ឍគោលខាងត្បូង។ សត្វល្មូនហោះប្រភេទនេះនៅក្នុងសម័យ Jurassic ត្រូវបានរកឃើញដោយក្រុមអ្នកជំនាញសត្វពីបុរាណ នៅតំបន់វាលខ្សាច់ Atacama របស់ប្រទេសឈីលី។ នាគនេះដែលហោះហើរនៅលើផែនដីតាំងពី១៦០លានឆ្នាំមុន មានកន្ទុយនិងស្លាបវែង និងមានធ្មេញត្រង់ស្រួច។

បំណែករាងកាយនៃប្រភេទសត្វនេះដែលពីមុនត្រូវបានគេរកឃើញនៅទ្វីបអាមេរិកខាងជើង ត្រូវបានជីករកឃើញដោយលោក Osvaldo Rojas ដែលជានាយកសារមន្ទីរ Atacama Desert Museum of Natural History and Culture។ របកគំហើញនេះបង្ហាញពីការធ្វើចំណាកស្រុកនៃប្រភេទសត្វនេះ រវាងទ្វីបអាមេរិកខាងជើងនិងត្បូង ដែលត្រូវបានគេរកឃើញថា បានភ្ជាប់គ្នានៅក្នុងទ្វីបដ៏ធំមួយ ឈ្មោះថា Gondwana។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Jhonatan Alarcon ជាអ្នកវិទ្យាសាស្ត្រមួយរូបនៅសាកលវិទ្យាល័យ University of Chile ដែលដឹកនាំការស៊ើបអង្កេតនេះ បានប្រាប់សារព័ត៌មានរ៉យទ័រថា នេះបង្ហាញថា ការបែងចែកសត្វនៅក្នុងក្រុមនេះគឺធំទូលាយជាងអ្វី ដែលគេបានដឹងរហូតដល់បច្ចុប្បន្ន។ លោក Alarcon បាននិយាយទៀតថា មានក្រុមសត្វប្រភេទនេះនៅប្រទេសគុយបា ដែលជាប្រភេទសត្វនៅតាមឆ្នេរសមុទ្រ ដូច្នេះទំនងជាពួកវាបានធ្វើចំណាកស្រុក រវាងផ្នែកខាងជើងនិងត្បូង ឬប្រហែលជាពួកវាមកតំបន់ថ្មីហើយរស់នៅតែម្ដង។

វាលខ្សាច់ Atacama ក្លាយជាចំណុចសំខាន់នៃការស្វែងរកផូស៊ីល។ ទិដ្ឋភាពតំបន់នេះដែលមើលទៅហាក់ដូចជានៅលើភពអង្គារ កាលពីមុនធ្លាប់គ្របដណ្ដប់ដោយទឹកសមុទ្រ នៅក្នុងសម័យបុរេប្រវត្តិ៕

https://s9.kh1.co/__image/w=650,h=434,q=100/63/63d6550ff9ff8f2f621287c63182920047d5657b.jpg
រូបតំណាងសត្វដាយណូស័រ «នាគហោះ»
https://s9.kh1.co/__image/w=650,h=434,q=100/94/947db6bd6d486ba7d3cd1f3cf31c579b582db610.jpg
គេជឿថា ពួកវាបានធ្វើចំណាកស្រុករវាងទ្វីបអាមេរិកខាងជើងនិងត្បូង

ប្រភព: New York Post

Chhen Hangly
H.L

អត្ថបទទាក់ទង