ពីឡុតអ៊ីតាលី បង្កើតប្រវត្តិសាស្ត្រថ្មីចំនួន៥ ដែលហ៊ានបើកយន្ដហោះចូលផ្លូវរូងក្រោមដី (មានវីដេអូ) - Khmerload

ពីឡុតអ៊ីតាលី បង្កើតប្រវត្តិសាស្ត្រថ្មីចំនួន៥ ដែលហ៊ានបើកយន្ដហោះចូលផ្លូវរូងក្រោមដី (មានវីដេអូ)

https://s9.kh1.co/f6/f6c85337e9357b234204bddbd6daa26b7310bd7a.jpg
ប្លែកៗ
 06-Sep-2021 2pm · 3 months ago

សកម្មភាពនៃការបើកយន្ដហោះទាំងមូលចំណាយអស់រយៈពេល៤៣.៤៤វិនាទី និងបញ្ចប់ជាមួយនឹងការរង្វិលជុំ៣៦០ដឺក្រេ

អ៊ីតាលី៖ កាលពីថ្មីសៅរ៍ចុងសប្ដាហ៍មុននេះ ពីឡុតម្នាក់ឈ្មោះថា Dario Costa មកពីប្រទេសអ៊ីតាលី បានបង្កឲ្យមានការភ្ញាក់ផ្អើលយ៉ាងខ្លាំង ដែលគាត់បានបង្កើតប្រវត្តិសាស្ត្រថ្មី ដោយការបើកយន្ដហោះកែច្នៃខ្នាតតូចឆ្លងកាត់ផ្លូវរូងក្រោមដីចំនួនពីរ ក្នុងល្បឿនជាង២៤០គីឡូម៉ែត្រក្នុងមួយម៉ោង។

តាមប្រភពព័ត៌មានបានឲ្យដឹងថា ថ្វីបើមានខ្យល់បក់ខ្លាំងក៏ដោយ ក៏មិនអាចរារាំងពីឡុតរូបនេះបានឡើយ ដែលគាត់បានហោះឆ្លងកាត់ផ្លូវរូងក្រោមដីប្រវែង៣៦០ម៉ែត្រ និងរូងក្រោមដីមួយផ្លូវទៀត ប្រវែង១,១៦០ម៉ែត្រ ដោយសកម្មភាពនៃការបើកយន្ដហោះទាំងមូលចំណាយអស់រយៈពេល៤៣.៤៤វិនាទី និងបញ្ចប់ជាមួយនឹងការរង្វិលជុំ៣៦០ដឺក្រេ ដោយភាពរីករាយផងដែរ។ ហើយគាត់ត្រូវបានគេផ្ដល់ជូននូវវិញ្ញាបនបត្រកំណត់ត្រាពិភពលោកហ្គីនណេសចំនួន៥ សម្រាប់ការបើកយន្ដហោះចូលផ្លូវរូងក្រោមដីវែងជាងគេ, យន្ដហោះដំបូងបង្អស់ហោះហើរក្នុងផ្លូវរូងក្រោមដី, ការហោះហើរដ៏វែងបំផុតក្រោមឧបសគ្គយ៉ាងរឹងមាំ, ការហោះហើរយន្តហោះលើកដំបូងឆ្លងកាត់ផ្លូវរូងក្នុងដីចំនួនពីរ និងយន្តហោះដំបូងបង្អស់ហោះហើរចេញពីផ្លូវរូងក្រោមដី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងការជោគជ័យនេះដែរ លោក Dario បាននិយាយថា

 រូបខ្ញុំផ្ទាល់ពិតជារំជើបរំជួលចំពោះសមិទ្ធផលរបស់ខ្លួន ដែលមានរយៈពេលជាងមួយឆ្នាំ នៅក្នុងការរៀបចំផែនការ និងត្រូវមានការចូលរួមចំណែកដោយក្រុមមនុស្ស៤០នាក់ឯណោះផងដែរ៕

 លោក Dario

ប្រភព: Daily Mail

សូមទស្សនារូបភាពនិងវីដេអូខាងក្រោម៖

https://s9.kh1.co/__image/w=633,h=311,q=100/ea/ea01ad10a3a01339fe1041a078459c701f264d18.jpg
រូបភាព
https://s9.kh1.co/__image/w=633,h=316,q=100/72/72ba154bc4e114b290fb305ee9efdad4bc5bc4a8.jpg
រូបភាព
https://s9.kh1.co/__image/w=633,h=299,q=100/3b/3b45646a6a27cdb1088be012ce940bcac4401383.jpg
រូបភាព
https://s9.kh1.co/__image/w=633,h=314,q=100/32/32dcad954fa281858493229f865f24c3274bc237.jpg
រូបភាព
វីដេអូ
Meas Chandara
D.R

អត្ថបទទាក់ទង