មូលហេតុដែលមិត្តចង់អរគុណដល់អ្នក ដោយផ្អែកលើតារានិករនីមួយៗ!

យល់ដឹង៖ ការរាប់អានមិត្ដភក្ដិ មិនមែនចេះតែរាប់នោះទេ តារានិកររបស់អ្នក ក៏អាចបញ្ជាក់បានដែរថា អ្នកជាមិត្តបែបណា ហើយអ្វីដែលធ្វើឲ្យមនុស្សគ្រប់គ្នាពេញចិត្ត និងមានអារម្មណ៍ល្អ ដែលបានធ្វើជាមិត្តរបស់អ្នក។

ខាងក្រោមនេះនឹងបង្ហាញពី មូលហេតុអ្វីដែលធ្វើឲ្យមិត្តភក្ដិរបស់អ្នក ចង់អរគុណដែលមានអ្នកជាមិត្ត ដោយផ្អែកលើតារានិកររបស់អ្នក ៖

♈️ Aries (Mar 21 – Apr 19)

មិត្តភក្តិរបស់អ្នកចង់អរគុណអ្នក ដែលហ៊ានផ្សងព្រេងជាមួយពួកគេកន្លងមក។ អ្នកតែងតែរកវិធីថ្មី ដើម្បីនាំផ្លូវពួកគេឲ្យឈ្ពោះទៅរកតំបន់សុខស្រួល ហើយរីករាយជាមួយគ្នាជានិច្ច។

♉️ Taurus (Apr 20 – May 20)

មិត្តភក្តិរបស់អ្នកចង់អរគុណ ដែលអ្នកពូកែលេងសើចច្រើន បែបឆ្កួតៗ ឡប់ៗ។ អ្នកតែងតែធ្វើឱ្យពួកគេសើច ទោះបីជាពួកគេមានអារម្មណ៍មិនល្អក៏ដោយ ហើយអ្នកតែងតែនៅចាំលើលទឹកចិត្តពួកគេជានិច្ច មិនថាទោះជាលំបាកយ៉ាងណា។

♊️ Gemini (May 21 – Jun 20)

មិត្តភក្តិរបស់អ្នកចង់អរគុណ ដែលអ្នកជាមនុស្សម្នាក់ ដ៏គួរឱ្យទុកចិត្តបំផុត។ អ្នកតែងតែរក្សាពាក្យសម្ដីរបស់អ្នក ហើយតែងតែរក្សាអាថ៌កំបាំងរបស់ពួកគេ បានល្អជានិច្ច ព្រោះអ្នកក៏មិនចូលចិត្តឲ្យអ្នកដទៃ ទម្លាយអាថ៌កំបាំងអ្នកដែរ។

♋️ Cancer (Jun 21 – Jul 22)

មិត្តភក្តិរបស់អ្នកចង់អរគុណអ្នក ដែលបានមើលថែពួកគេ ដូចជាសមាជិកគ្រួសារម្នាក់ដែរ។ ប្រសិនបើពួកគេត្រូវការជំនួយ អ្នកគឺជាមនុស្សដំបូងដែលពួកគេសួរអំពីមតិ ឬដំបូន្មាន ហើយយកគំរូតាមជានិច្ច។

♌️ Leo (Jul 23 – Aug 22)

មិត្តភក្តិរបស់អ្នកចង់អរគុណ ដែលអ្នកតែងតែអភ័យទោស នូវរាល់កំហុស ឬទង្វើមិនល្អដែលពួកគេបានធ្វើ។ សូម្បីតែនៅពេលដែលពួកគេបង្កបញ្ហាក៏ដោយ អ្នកព្យាយាមដឹងពីមូលហេតុច្បាស់លាស់របស់ពួកគេ។

♍️ Virgo (Aug 23 – Sep 22)

មិត្តភក្តិរបស់អ្នកចង់អរគុណអ្នក ដែលតែងតែស្មោះត្រង់ជាមួយពួកគេរហូតកន្លងមក។ អ្នកមិនដែលខ្លាចក្នុងការប្រាប់ នៅពេលដែលពួកគេធ្វើខុសឡើយ ពីព្រោះអ្នកចង់ឲ្យពួកគេកែកំហុស និងល្អសម្រាប់ពួកគេផ្ទាល់។

♎️ Libra (Sep 23 – Oct 22)

មិត្តភក្តិរបស់អ្នកចង់អរគុណ ដែលអ្នកជាមនុស្សដែលចាំលើកទឹកចិត្តពួកគេរហូតមក។ អ្នកតែងតែមានពាក្យសប្បុរស ដើម្បីនិយាយអំពីសម្លៀកបំពាក់ ការតុបតែងខ្លួន ការងារ ឬការលេងសើចរបស់ពួកគេជានិច្ច។

♏️ Scorpio (Oct 23 – Nov 21)

មិត្តភក្តិរបស់អ្នកចង់អរគុណអ្នក ដែលតែងតែជួយអ្វីៗគ្រប់យ៉ាង។ អ្នកមិនដែលស្ទាក់ស្ទើរក្នុងការធ្វើអំពើល្អឡើយ ព្រោះនៅពេលដែលអ្នកឃើញពួកគេ សប្បាយរីករាយនូវអ្វីដែលពួកគេបានធ្វើ អ្នកក៏សប្បាយចិត្តដែរ។

♐️ Sagittarius (Nov 22 – Dec 21)

មិត្តភក្តិរបស់អ្នកចង់អរគុណអ្នក ដែលតែងតែស្តាប់ពួកគេនូវរាល់បញ្ហា ដែលពួកគេចង់និយាយចេញមកក្រៅ។ នៅពេលណាដែលពួកគេត្រូវការខ្យល់ចេញចូល ពួកគេដឹងថាពួកគេអាចរត់មករកអ្នកបាន។

♑️ Capricorn (Dec 22 – Jan 19)

មិត្តភក្តិរបស់អ្នកចង់អរគុណ ដែលអ្នកតែងតែជាមនុស្សម្នាក់ ដែលចាំជួយគាំទ្រពួកគេជានិច្ច។ ពួកគេដឹងថាអ្នកតែងតែមានខ្នងសម្រាប់ពួកគេផ្អែក ហើយជឿជាក់លើសក្តានុពលរបស់ពួកគេបំផុត។

♒️ Aquarius (Jan 20 – Feb 18)

មិត្តភក្តិរបស់អ្នកចង់អរគុណអ្នក ដែលតែងតែស្រលាញ់ពួកគេជានិច្ច។ អ្នកតែងតែធ្វើឱ្យពួកគេ មានអារម្មណ៍ស្រលាញ់ ហើយរំលឹកពួកគេថា ពួកគេនឹងមិននៅម្នាក់ឯងទេ គឺអ្នកនឹងចាំនៅក្បែរពួកគេជានិច្ច។

♓️ Pisces (Feb 19 – Mar 20)

មិត្តរបស់អ្នកចង់អរគុណ អ្នកដែលតែងតែយល់អំពីអ្វីដែលពួកគេចង់ធ្វើជានិច្ច។ ពួកគេអាចប្រាប់អ្នក ពីអ្វីដែលពួកគេស្រលាញ់ ឬចង់ធ្វើដោយមិនខ្វល់ខ្វាយពីការត្រូវវិនិច្ឆ័យ ឬការគិតមិនល្អមកលើខ្លួនឡើយ។

ប្រភព: thoughtcatalog