ភ្នំពេញ៖ នាពេលថ្មីៗនេះ មន្ត្រីជំនាញដកហូតអាល់កុលក្លែងក្លាយ (មេតាណុល) ប្រមាណ ២១តោន ពីទីផ្សារកន្លងមកត្រូវបានកម្ទេចចោល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក នៅថ្ងៃទី២០ ខែសីហា ឆ្នាំ២០២១ ដោយមានការឯកភាពពីស្ថាប័នអយ្យការអមសាលាដំបូងរាជធានីភ្នំពេញ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ បានសហការជាមួយអាជ្ញាធរមូលដ្ឋានរបស់សាលាខណ្ឌដង្កោ បានធ្វើការកំទេចចោលអាល់កុលក្លែងក្លាយ (មេតាណុល) ចំនួន ៧០១ ប៊ីដុង ដែលស្មើនឹង ២១,០៥២ លីត្រ ដែលបានមកពីការចាប់ និងដកហូតតាមបណ្ដាទីផ្សារកន្លងមក ស្ថិតនៅទីលានចាក់សំរាម ខណ្ឌដង្កោ រាជធានីភ្នំពេញ។
អាស្រ័យហេតនេះ សូមបងប្អូនទាំងអស់គ្នាបានជ្រាបជាព័ត៍មាន និងមានប្រុងប្រយ័ត្នចំពោះវីរុសកូវីដ១៩ ដែលកំពុងតែគម្រាមកំហែងដល់សុខភាពប្រជាជនទាំងអស់គ្នាផងដែរ៕
សូមចូលទស្សនារូបភាពខាងក្រោម៖