អង់គ្លេស៖ ការស៊ើបអង្កេតកំពុងដំណើរការ បន្ទាប់ពីទឹកប្រឡាយមួយកន្លែងប្រែទៅជាពណ៌ខៀវ។ ការផ្លាស់ប្ដូរពណ៌ទឹកប្រឡាយ Canons Brook នៅក្រុង Harlow តំបន់ Essex កើតឡើងកាលពីចុងសប្ដាហ៍។ កសិដ្ឋានមួយនៅក្បែរនោះបាននិយាយថា វាមិនមែនជាលើកទីមួយទេ ដែលរឿងនេះបានកើតឡើង ហើយវាពិតជាគួរឲ្យបារម្ភណាស់ ព្រោះខ្សែទឹកនេះគឺជាប្រភពទឹកសម្រាប់ដំណាំ ហើយក្មេងៗនិងសត្វចិញ្ចឹមបានទៅលេងនៅក្នុងនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទីភ្នាក់ងារបរិស្ថានបាននិយាយថា ខ្លួនកំពុងស៊ើបអង្កេត ប៉ុន្តែគេគ្មានភស្ដុតាងបញ្ជាក់ថា វាមានគ្រោះថ្នាក់ដល់សត្វព្រៃនោះទេ។ ប្រឡាយនេះនឹងហូរចូលទៅទន្លេ River Stort ដូចនេះវាកំពុងតែបំពុលតំបន់ដ៏ធំមួយ ជាមួយសារធាតុដែលមិនស្គាល់ នេះបើយោងតាមសម្ដីរបស់លោក Elliot Wollen អ្នកគ្រប់គ្រងកសិដ្ឋានសហគមន៍ Herts និង Essex។
លោកបាននិយាយថា វាមិនមែនជាឧប្បត្តិហេតុជាលើកដំបូងទេ ហើយនៅពេលមុនៗ វាធ្លាប់ចេញពណ៌លឿង ផ្កាឈូក និងក្រហម។ លោក Wollen បានបន្តថា កសិដ្ឋានបានប្រើប្រាស់ខ្សែទឹកនេះសម្រាប់ដំណាំ។ កសិដ្ឋានបានឈប់ប្រើទឹកពីផ្នែកខាងនោះ ហើយបានផ្លាស់ទៅខាងលើ ដើម្បីទាញយកទឹកប្រើប្រាស់៕
ប្រភព: BBC