ប្រជាពលរដ្ឋ ដែលបានទៅធនាគារទាំង០២នេះ សូមដាក់ខ្លួនដាច់ដោយឡែក១៤ថ្ងៃ

ភ្នំពេញ៖ នាពេលថ្មីៗនេះ មានអ្នកជំងឺកូវីដ១៩ បានមកដល់ទីតាំងធនាគារ០២កន្លែងផ្សេងគ្នា ដែលមានទីតាំងនៅរាជធានីភ្នំពេញ។

ដោយឡែក នៅថ្ងៃទី០៤ ខែសីហា​ ឆ្នាំ២០២១ ចាប់ពីម៉ោង ០៨ៈ៣៥ ដល់ ០៨ៈ៤៥ មានអ្នកជំងឺកូវីដ១៩ បានចូលទីតាំងធនាគារអេស៊ីលីដា (ACLEDA​ Bank) ដែលមានទីតាំងស្ថិតនៅ ផ្ទះលេខ២៨ ផ្លូវមៅសេទុង(២៤៥) សង្កាត់បឹងត្របែក ខណ្ឌចំការមន និងករណីមួយទៀតនៅថ្ងៃដដែល ចាប់ពីម៉ោង ០៨ៈ៣៥ ដល់ ០៨ៈ៤៥ មានអ្នកជំងឺកូវីដ១៩ ផ្សេងទៀតបានចូលទៅទីតាំង ធនាគារABA សាខាម៉ៅសេទុង ដែលមានទីតាំងស្ថិតនៅផ្ទះលេខ ១២៩ABC ផ្លូវម៉ៅសេទុង សង្កាត់បឹងកេងកងទី៣ ខណ្ឌបឹងកេងកង។

អាស្រ័យហេតុនេះ ដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ៕

សូមចូលទស្សនារូបភាពខាងក្រោម៖