ស្នេហ៍ខុសជំនាន់! លោកយាយរូបនេះ សម្រេចភ្ជាប់ពាក្យជាមួយបុរសវ័យក្មេង ដែលមានអាយុខុសគ្នាដល់ទៅ៣៧ឆ្នាំ

ចចជី៖ គូស្នេហ៍មួយគូ ដែលមានអាយុខុសគ្នាដល់ទៅ៣៧ឆ្នាំ បានភ្ជាក់ពាក្យនឹងគ្នាកាលពីថ្មីៗនេះ ក្រោយពីស្គាល់ចិត្តថ្លើមគ្នាអស់រយៈពេល១ឆ្នាំ។

លោកយាយ Cheryl McGregor អាយុ៦១ឆ្នាំ និងដៃគូរបស់គាត់ Quran McCain អាយុ២៤ឆ្នាំ មកពីប្រទេសចចជី ហើយលោកយាយបានជួបគ្នាដំបូង តាំងពីខាងប្រុសមានអាយុ១៥ឆ្នាំម៉្លេះ ប៉ុន្ដែពេលនោះមិនមានមនោសញ្ចេតនាស្នេហារវាងគ្នានិងគ្នាឡើយ ដោយពួកគាត់ទាំងពីរ បានរួមការងារជាមួយគ្នានៅភោជនីយដ្ឋានអាហារសម្រន់មួយកន្លែង ដែលលោកយាយជាអ្នកគ្រប់គ្រងក្នុងហាងផ្ទាល់តែម្ដង។ លុះមកដល់ឆ្នាំ២០២០ ពួកគាត់ទាំងពីរក៏ចាប់ផ្ដើមមានអារម្មណ៍ល្អជាមួយគ្នាទៅវិញទៅមក រហូតឈានដល់ការទាក់ទងជាស្នេហា។

យ៉ាងណាមិញ សព្វថ្ងៃនេះលោកយាយ និងដៃគូរបស់គាត់ កំពុងប្រើប្រាស់ជីវិតរួមគ្នាយ៉ាងមានសេចក្ដីសុខ និងតែងតែថតវីដេអូបង្ហាញពីភាពរីករាយ បង្ហោះទៅលើបណ្ដាញសង្គម Tik Tok ដែលមានអ្នក Follow ដល់ទៅជាង៨សែននាក់។ ហើយទន្ទឹមនឹងនេះដែរ ក៏មានមតិស្អប់ខ្ពើមមួយចំនួន បានវាយប្រហារមកលើពួកគាត់ទាំងពីរ ដែលលោកយាយយល់ស្របថា វាពិតជាធ្វើឲ្យគាត់មានការឈឺចាប់ តែគាត់ក៏ព្យាយាមឈប់គិតពីវាផងដែរ៕

ប្រភព: Daily Mail

សូមទស្សនារូបភាពខាងក្រោម៖