មិនដែលដឹងសោះ កាលនៅក្មេង រតនៈ ពិសិដ្ឋ ក៏ជាអ្នករាំរបាំបុរាណ

ភ្នំពេញ៖ តារាប្រុសរូបសង្ហាមកពីខេត្តបន្ទាយមានជ័យលោក រតនៈ ពិសិដ្ឋ ត្រូវបានគេដឹងថាជាសិល្បករដែលចេះគ្រប់ទម្រង់ មិនថាពិធីករ សម្ដែង ច្រៀងរាំឡើយ។ ម្យ៉ាងពីមួុយឆ្នាំទៅមួយឆ្នាំ តារារូបនេះកាន់តែមានឈ្មោះល្បីល្បាញខ្លាំងឡើងៗ គួរឲ្យកត់សម្គាល់។ លើសពីនេះទៅទៀត គេសង្កេតឃើញការងារសិល្បៈតារារូបនេះ រឹតតែមានភាពមមាញឹកជាងមុនផងដែរ។

ក្រៅពីទេពកោសល្យ និងសមត្ថភាពលោក រតនៈ ពិសិដ្ឋ មានរូបសម្ផស្សមាំសង្ហាគួរឲ្យទាក់ទាញ ខណៈពេលខំហាត់ប្រាណយកសាច់ដុំកង់ៗយ៉ាងដូច្នេះ។ មិនត្រឹមមានរូបរាងសង្ហានោះទេ តែតារារូបនេះ នៅតែងខ្លួនស៊ីវិល័យគួរឲ្យចាប់អារម្មណ៍មិនចាញ់ក្មេងជំនាន់ក្រោយប៉ុន្មានឡើយ។

ពិតណាស់ បើក្រឡេកមើលអតីតកាលរបស់លោក រតនៈ ពិសិដ្ឋ កាលនៅកុមារវិញ តារារូបនេះក៏ជាអ្នករាំរបាំបុរាណខ្មែរមួយរូបផងដែរ។ ដោយមុននេះ លោកបានបង្ហោះរូបភាពកាលនៅក្មេងឲ្យហ្វេនបានឃើញ ពីសកម្មភាពពេលកំពុងរាំរបាំ និងស្លៀកឈុតរបាំបុរាណ មើលទៅពិតជាប្លែកភ្នែកតែម្ដង។ មិនតែប៉ុណ្ណោះ តារារូបនេះ ធ្វើឲ្យភ្ញាក់ផ្អើលគ្រប់គ្នាដោយមិននឹកស្មានថាកាលនៅតូចរូបលោកជាអ្នករបាំយ៉ាងដូច្នេះសោះ៕

ចង់ជ្រាបច្បាស់ សូមទស្សនារូបភាពខាងក្រោម៖