កម្សាន្ត៖ ធម្មជាតិដែលបង្កើតមនុស្សមកគឺពិតជាអស្ចារ្យខ្លាំងណាស់ រាងកាយរបស់មនុស្សម្នាក់ៗមានចំណុចពិសេសជាច្រើន វាអាចលូតលាស់បាន អាចគិតបាន មានវិចារណញាណ នឹងអាចបង្កើតអ្វីៗផ្សេងៗបាន។ ប៉ុន្តែនៅមានរឿងមួយចំនួនដែលគួរឲ្យចាប់អារម្មណ៍របស់រាងកាយមនុស្ស ដែលអ្នកមិនធ្លាប់ដឹងពីវា៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. មនុស្សដែលសរសេរដៃឆ្វេង ស្លាប់មុនមនុស្សសរសេដៃស្ដាំ
មនុស្សភាគច្រើន តែងតែគិតថាអ្នកដែលសរសេរដៃឆ្វេងឬប្រើប្រាស់ដៃឆ្វេងបានគឺជាមនុស្សឆ្លាត តែអ្នកមិនដឹងទេថា ការឆ្លាតជាងអ្នកប្រើដៃស្ដាំនេះហើយដែលបណ្ដាលឲ្យអ្នកមានអាយុខ្លីជាងគេដល់ទៅ១០ឆ្នាំ។ យោងទៅតាមអ្នកវិទ្យាសាស្ត្របានបញ្ជាក់ថា អ្នកប្រើប្រាស់ដៃឆ្វេងអាចនឹងជួបបញ្ហាជាច្រើនដូចជា៖
១. មានភាគរយអាឡែកហ្សីទៅនឹងរបស់អ្វីមួយខ្ពស់
២. អាចជួបប្រទះនឹងបញ្ហាក្នុងការគេង
៣. ប្រើដៃឆ្វេងតែប្រើខួរក្បាលខាងស្ដាំ ដែលធ្វើឲ្យពួកគេឆ្លាត ព្រោះខួរក្បាលខាងស្ដាំមានឥទ្ធពលទៅលើ គំនិតច្នៃប្រឌិត និងផ្នែកខាងស្រមើស្រមៃ។
៤. ភាគច្រើនជាមនុស្សប្រមឹកចូលចិត្តផឹកស្រា
៥. ងាយនឹងកើតជម្ងឺឈឺក្បាលប្រកាំងជាងគេ២ដង
ឆ្លាតជាងគេមែន តែក៏អស់ជីវិតមុនគេដែរ ១០ឆ្នាំមិនមែនតិចទេ។
២. មនុស្សមិនមែនស្លាប់ដោយសារចាស់ជរាទេ ប៉ុន្តែស្លាប់ដោយសារអាយុច្រើនមានជំងឺ
ជាការពិតណាស់ អ្នកតែងតែយល់ថា ចាស់ជរាស្លាប់ដោយសារតែមានអាយុច្រើន ប៉ុន្តែវាមិនមែននោះទេ អ្នកវិទ្យាសាស្ត្របានបញ្ជាក់ថា អ្នកអាចរស់បានដល់អាយុច្រើនរាប់រយឆ្នាំក៏មិនស្លាប់ដោយសាររាងកាយជរាដែរ តែសុខភាពរបស់អ្នកទេដែលធ្វើឲ្យអ្នកស្លាប់។ ពេលដែលអ្នកចាស់ទៅអ្នកនឹងមានជម្ងឺ គាំងបេះដូង មហារីក ប៉ុន្តែជម្ងឺទាំងនេះមិនមែនមកពីអ្នកចាស់គឺទេ ។ ឧទាហរណ៍ អ្នកនឹងមានឈាមកក់ដែលអាចនឹងហូរចូលទៅក្នុងសួត បណ្ដាលឲ្យរារាំងខ្យល់ដង្ហើមមិនឲ្យដកចេញចូលបាន ហើយធ្វើឲ្យរាងកាយរបស់អ្នកឈប់ដំណើរការ ភាពច្រើននៅពេលមនុស្សចាស់ជិតដាច់ខ្យល់គាត់នឹងមានអាក្ការៈពិបាកដកដង្ហើម។ ដូចពាក្យចាស់ពោលថា កើត ចាស់ ឈឺ ស្លាប់ មានន័យថា ឈឺសិនទើបស្លាប់។
៣. ពេលមនុស្សស្លាប់ទៅហើយ ប៉ុន្តែការស្ដាប់របស់គេនឹងស្លាប់ទៅក្រោយគេ
នៅពេលមនុស្សស្លាប់ទៅ គេមិនអាចងើបមកប្រាប់យើងទេថាគេបានឮអ្នកនិយាយឬអត់ ប៉ុន្តែតាមពិតគឺ ពេលដែលមនុស្សដាច់ខ្យល់ហើយ ក៏នៅតែអាចស្ដាប់ឮអ្វីនៅជុំវិញខ្លួនបានដែរ។ Lawrence Ward ជាសិស្សច្បងនិងជាសាស្រ្តាចារ្យនៅសកលវិទ្យាល័យនៃBritish Columbia បានពន្យល់ថា អ្វីដែលសំខាន់គឺការស្ដាប់ឮនេះមាន២ប្រភេទ គឺ គ្រាន់តែឮ និង ស្ដាប់យល់។ ប៉ុន្តែវាពិតជារឿងពិតដែលអ្នកដែលគ្មានស្មារតីទៅហើយអាចឮបាន នៅពេលដែលយើងយំឬនិយាយអ្វីទៅកាន់ពួកគេ។ តែរឿងមួយដែលយើងមិនអាចបញ្ជាក់គឺ ពួកគេអាចនឹងយល់ ពាក្យដែលមនុស្សជុំវិញខ្លួនដែរឬទេ។
៤. ក្បាលមនុស្សអាចរស់បាន ២០វិនាទី បន្ទាប់ពីដាច់ពីក
វារៀងសាហាវបន្តិច តែវាជាការពិតដែលអ្នកនឹងដឹង មនុស្សដែលដាច់ក ក្បាលរបស់គេអាចរស់បានដល់២០នាទី ហើយកំឡុងពេលនោះ គេអាចមានសមត្ថភាពដូចមនុស្សរស់ធម្មតា ទទួលការឈឺចាប់ ស្លាប់ឮ មើលឃើញ តែមិនអាចនិយាយបាននោះទេ ព្រោះបំពង់ករបស់គេដាច់ទៅជាមួយខ្លួនបាត់ទៅហើយ។
យោងទៅតាមប្រវត្តិសាស្ត្រដែលគេបានចារទុកយូរមកហើយ ក្នុងពេលកាត់ទោសស្តេច Charles ទិ១ និង Queen Anne Boleyn ដោយកាត់ក្បាល គេសង្កតឃើញថា អ្នកទាំងពីរបានបង្ហាញពីទឹកមុខដូចជានិយាយអ្វីម្យ៉ាង នៅពេលដែលក្បាលរបស់ពួកគេដាច់ទៅហើយ ប្រភព៖ Maslin ។
ឆ្នាំ១៧៩៥ អ្នកស្រាវជ្រាវជនជាតិអាឡឺម៉ង់ម្នាក់ឈ្មោះ S.T. Sommering បានដកស្រង់នៅឯកសារនៃការកាត់ក្បាលថា អ្នកដែលត្រូវគេកាត់ក្បាលធ្លាក់ដល់ដីហើយ នៅតែអាចបញ្ចេញទឹកមុខ ខាំធ្មេញជាប់នៅឡើយ ប្រភព៖ Sommering ។
បើយោងទៅតាមបទពិសោធន៍ពិតដែលបុរសម្នាក់ឈ្មោះ Army Veteran បានជួបផ្ទាល់ នៅឆ្នាំ១៩៨៩ ខ្លួនជួបគ្រោះថ្នាក់ចរាចរណ៍ដែលបណ្ដាលឲ្យមិត្តរបស់លោកដាច់ក្បាលធ្លាក់ពីស្មា ហើយលោកបានបញ្ជាក់ថា លោកចាំមិនភ្លេចនៅទឹកមុខរបស់មិត្ត ដែលដំបូងគេហាក់ដូចជាភ្ញាក់ផ្អើល បន្ទាប់មកប្រែទៅជា ទឹកមុខភ័យខ្លាច រួចក៏ទឹកមុខដូចជាចង់យំ ប្រភព៖ Bellows ។
៥. មនុស្សជាង ៧ពាន់នាក់ បានស្លាប់ដោយសារអក្សររបស់គ្រូពេទ្យ
រឿងនេះ វាហាក់ដូចជាគួរឲ្យអស់សំណើច តែក៏គួរឲ្យអាណិតផងដែរ អ្នកជម្ងឺដែលស្លាប់ដោយសារអក្សរគ្រូពេទ្យនេះ ភាគច្រើនជាមនុស្សដែលមានជម្ងឺរាំរ៉ៃត្រូវលេបថ្នាំជាញឹកញាប់ ហើយាពួកគេបានទិញថ្នាំខុសដោយសារអ្នកបើកថ្នាំអានអក្សរខុសឬអានមិនដាច់។
រឿងមួយបានកើតឡើង នៅខែកក្កដា ឆ្នាំ២០០៦ មនុស្សជាង៧ពាន់នាក់បានស្លាប់ដោយមូលហេតុមកពី ការសរសេអក្សរដូចសត្វជន្លេនរបស់គ្រូពេទ្យ។ វាគឺជារឿងដែលគួរឲ្យភ្ញាក់ផ្អើលខ្លាំង ដែលបានរាយការណ៍មកពី National Academies of Science's Institute of Medicine (IOM) ។ មិនត្រឹមតែប៉ុណ្ណោះទេ អក្សរគ្រូពេទ្យបានធ្វើឲ្យមានការយល់ច្រឡំថ្នាំ បណ្ដាលឲ្យប្រជាជនជាង១លាននាក់រងការប៉ះពាល់ផងដែរ។
ប្រយ័ត្នប្រយែងពេលទិញថ្នាំផង សួរគ្រូពេទ្យហើយសរសេខ្លួនឯងទៅចៀសវាងដូចជនរងគ្រោះទាំងនេះ ស្លាប់ដោយមិនដឹងរឿង។
៦. សក់និងក្រចករបស់មនុស្សដុសលឿន នៅពេលមានផ្ទៃពោះ
នៅក្នុងកំឡុង ២០សប្ដាហ៍ សក់របស់អ្នកនឹងដុសក្រាស់ជាងមុននិងដុសលឿនជាងមុន ដោយសារតែអរម៉ូនរបស់អ្នកមានការលូតលាស់ សូម្បីតែក្រចករបស់អ្នកក៏ដុសលឿនដែរ ប៉ុន្ដែវាក៏ឆាប់បាក់ទៅវិញយ៉ាងងាយដូចគ្នា។ មូលហេតុនេះហើយ ទើបពេទ្យឲ្យម៉ាក់ៗកាត់សក់និងក្រចកនៅពេលកំពុងពពោះ ព្រោះវាដុះលឿនជាងមុនអាចដល់ទៅ២ដង។
៧. ការព្រឺរោម គឺកំពុងឲ្យសញ្ញា
ការព្រឺរោម ឬប៉ះរោម គឺជាលទ្ធផលនៃសាច់ដុំតូចៗដែលនៅក្នុងសាច់របស់អ្នកកំរើកឡើងដែលធ្វើឲ្យរោមប៉ះឡើង។
វាកើតឡើងធម្មជាតិដោយយើងមិនបានដឹងមុន ឬមានអារម្មណ៍មុននោះទេ ខួរក្បាលវាជាអ្នកភ្ញោចឲ្យរាងកាយចេញសកម្មភាពនៅពេលដែលខួរក្បាលគិតថាមានអាសន្ន(ខួរវាគិតខ្លួនឯង យើងមិនបាច់បញ្ជាទេ)។ ម្យ៉ាងទៀតវាអាចកើតឡើងជាពិសេសនៅពេលអ្នកមានអារម្មណ៍ថាត្រជាក់ឬពេលគ្រុនរងារ ពេលនោះមានន័យសាច់ដតូចៗក្នុងស្បែករបស់អ្នកកំពុងមានប្រតិកម្មប្រយុទ្ធនឹងអាកាសធាតុត្រជាក់ឬជម្ងឺ។
៨. មនុស្សខ្លះអាចមានឆ្អឹងជង្គង់ដល់ទៅ២
ទោះបីជាយើងមានឆ្អឹងជង្គង់២ក៏ដោយក៏យើងមិនអាចមើលដឹងដែរ ពេលខ្លះអ្នកអាចមានតែម្ខាង ពេលខ្លះអ្នកអាចមានទាំងសងខាងប៉ុន្តែវាជារឿងដែលកើតឡើងតែ២ភាគរយប៉ុណ្ណោះនៅក្នុងចំណោមមនុស្សទាំងអស់។ ឆ្អឹងដុសប្រភេទនេះត្រូវបានគេហៅថា bipartite patella ដែលវាជាឆ្អឹងជង្គង់ខាងមុខរបស់អ្នក។ ជាធម្មតាមនុស្សមានឆ្អឹងជង្គង់ខាងមុខតែមួយទេ ប៉ុន្តែមនុស្សដែលកើត bipartite patella មានឆ្អឹងជង្គង់ខាងមុខដល់ទៅ២៕
ប្រភព៖ Human Facts