អតីតបុរសខ្ពស់បំផុតលើពិភពលោក កំពុងតស៊ូជាមួយជំងឺដែលធ្ងន់ធ្ងរ

អង់គ្លេស៖ បុរសម្នាក់ ជាអតីតបុរសដែលខ្ពស់ជាងគេនៅលើពិភពលោក ត្រូវបានគេទទួលស្គាល់ក្នុងកំណត់ត្រាហ្គីនណេស និងមានភាពល្បីល្បាញ កាលពីឆ្នាំ២០០២។

ប្រភពព័ត៌មានបានឲ្យដឹងថា បុរសរូបនេះ មានឈ្មោះថា Hussein Bisad បច្ចុប្បន្នអាយុ៤៦ឆ្នាំ និងមានកម្ពស់ប្រមាណ២.២ម៉ែត្រ ហើយគាត់ជាបុរសខ្ពស់បំផុតលំដាប់ទីពីរ ដែលលំដាប់ទីមួយ ជាបុរសមកពីប្រទេសតួកគី ដោយមានកម្ពស់ប្រមាណ២.៥ម៉ែត្រ។

រយៈពេល៥ឆ្នាំចុងក្រោយនេះ ដោយសារជំងឺដែលគំរាមកំហែងដល់អាយុជីវិតរបស់គាត់ ដែលតម្រូវឲ្យគាត់ត្រូវធ្វើការលាងឈាម៣ដងក្នុងមួយថ្ងៃ និងត្រូវរស់នៅក្នុងមណ្ឌលថែទាំ Wembley ក្រោយពីទទួលបានការវះកាត់ប្ដូរក្រលៀន កាលពីខែកុម្ភៈ ឆ្នាំ២០២០។

បើតាមវេជ្ជបណ្ឌិតរបស់គាត់បានឲ្យដឹងដែរថា ស្ថានភាពរបស់គាត់ អាចបណ្ដាលមកពីរាងកាយដ៏ធំ ដែលបង្កើតអរម៉ូនលូតលាស់ច្រើនជាងធម្មតា។

យ៉ាងណាមិញ នៅពេលជាគ្រាន់បើ គាត់់នឹងវិលត្រលប់ទៅកាន់ប្រទេសសូម៉ាលីវិញ ដើម្បីទៅទទួលប្រពន្ធ មករស់នៅក្នុងទីក្រុងឡុងដ៍ជាមួយគាត់ផងដែរ ហើយប្រពន្ធរបស់គាត់ មានកម្ពស់ដល់ទៅ១.៨២ម៉ែត្រឯណោះ៕

សូមទស្សនារូបភាពខាងក្រោម៖

ប្រភព: Daily Mail