មើលមួយភ្លែតស្មានតែដុំថ្ម! ផ្ទាំងបំភាន់ភ្នែករបស់ទាហាន ដែលអ៊ីស្រាអែលទើបបង្កើតឡើង

អ៊ីស្រាអែល៖ ក្រុមហ៊ុនអ៊ីស្រាអែល Polaris Solutions បានបង្កើតផលិតផលថ្មីមួយ សម្រាប់ទាហាន ដែលធ្វើឲ្យស្ទើរតែមើលមិនឃើញថា ទាហាននៅទីណា។

តាមប្រភពព័ត៌មានបានឲ្យដឹងថា ផលិតផលថ្មីនេះ ត្រូវបានបង្កើតឡើងចំនួន៣០០ផ្ទាំង ក្នុងភាពជាដៃគូជាមួយក្រសួងការពារជាតិអ៊ីស្រាអែល (MoD)។ ផ្ទាំងនីមួយៗមានទម្ងន់ត្រឹមតែប្រមាណ០.៥០គីឡូក្រាមប៉ុណ្ណោះ និងមិនជ្រាបទឹក ដែលអនុញ្ញាតឲ្យទាហានរមៀលចុះឡើង និងដាក់តាមខ្លួនបានយ៉ាងងាយស្រួល នៅពេលដើរកាត់តំបន់សង្គ្រាមដែលមានគ្រោះថ្នាក់។ ហើយទាហាន អាចរុំផ្ទាំងនេះ ជុំវិញខ្លួនរបស់ពួកគេ និងរួមផ្ដុំគ្នា ដើម្បីបង្កើតបានជារបាំង ដែលស្រដៀងនឹងផ្ទាំងថ្ម នៅពេលពួកគេរៀបចំទីតាំងប្រយុទ្ធផងដែរ។ បន្ថែមពីនេះ វាក៏អាចធ្វើជាភួយ ដែលមានកម្ដៅទាប ឬជំរកដូចជាតង់ សម្រាប់សម្រាកទៀតផង។

យ៉ាងណាមិញ ចំពោះផលិតផលថ្មីខាងលើនេះ ខាងក្រុមហ៊ុននឹងប្ដូរគំរូ និងពណ៌តាមតម្រូវការរបស់អតិថិជនផងដែរ៕

សូមទស្សនារូបភាពខាងក្រោម៖

ប្រភព: Daily Mail