ប្រធានាធិបតីទី៤៦ របស់សហរដ្ឋអាមេរិក លោក ចូ បៃដិន បង្ហាញការគាំទ្រលើបទឈប់បាញ់ ដើម្បីបិទបញ្ចប់ជម្លោះរវាងអ៊ីស្រាអែល និងក្រុមឧទ្ទាមហាម៉ាស់ប៉ាឡេស្ទីន។ កាលពីថ្ងៃចន្ទកន្លងទៅ លោក ចូ បៃដិន និងនាយករដ្ឋមន្ត្រីអ៊ីស្រាអែល លោក Benjamin Netanyahu បានជួបពិភាក្សាគ្នាតាមទូរស័ព្ទ ដែលនេះគឺជាកិច្ចសន្ទនាលើកទី៣ ហើយរវាងមេដឹកនាំទាំងពីរចាប់តាំងពីជម្លោះផ្ទុះឡើងមក ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![ប្រធានាធិបតីទី៤៦ របស់សហរដ្ឋអាមេរិក លោក ចូ បៃដិន](https://s9.kh1.co/__image/w=650,h=366,q=100/da/da7307ab78ac02d2e2460f0c6df1ef41f21b3f3a.png)
នៅក្នុងកិច្ចសន្ទនានោះ លោកចូ បៃដិន បានជំរុញឱ្យអ៊ីស្រាអែល តាមរយៈលោក Benjamin Netanyahu ត្រូវតែធានាលើកិច្ចគាំពារអាយុជីវិតរបស់ជនស៊ីវិលស្លូតត្រង់ ក៏ប៉ុន្តែលោក ចូ បៃដិន នៅតែបង្ហាញការគាំទ្រយ៉ាងមុតមាំ ចំពោះសិទ្ធិការពារខ្លួនរបស់អ៊ីស្រាអែល ប្រឆាំងនឹងគ្រាប់រ៉ុក្តែតដែលវាយប្រហារដោយក្រុមហាម៉ាស់ ។
![នាយករដ្ឋមន្ត្រីអ៊ីស្រាអែល លោក Benjamin Netanyahu](https://s9.kh1.co/__image/w=650,h=366,q=100/ca/ca9e9419d170a590b82c1f934ef84bf427e99f14.png)
គួរឱ្យដឹងដែរថា ប្រធានាធិបតីអាមេរិកលោក ចូ បៃដិន រងសម្ពាធកាន់តែខ្លាំងពីសមាជិកសភាមួយចំនួនដែលចង់ឱ្យលោកដើរតួនាទីបន្ថែម ប៉ុន្តែរដ្ឋបាលរបស់លោក នៅតែជ្រើសរើសរក្សាភាពស្ងប់ស្ងាត់ ដោយសុខចិត្តបើកកិច្ចពិភាក្សាជាមួយក្រុមមន្ត្រីអ៊ីស្រាអែល និងសម្ព័ន្ធមិត្តអាមេរិកក្នុងពិភពអារ៉ាប់៕
![ប្រធានាធិបតីប៉ាឡេស្ទីន លោក Mahmoud Abbas](https://s9.kh1.co/__image/w=600,h=337,q=100/57/570c6dedbe82b82450cc2f1a1610f67973da74fd.png)
ប្រភព៖ CNN