អ្នកគាំទ្រភ្ញាក់ផ្អើល ក្រោយតារាសម្ដែង Ryan Reynold តបទៅ​កាន់ការបង្ហាញ​តារាសម្ដែង Green Lantern ថ្មី

បរទេស៖ លោកអ្នកបានស្គាល់មកហើយនូវតារាសម្ដែងលោក Ryan Reynolds តាមរយៈខ្សែភាពយន្តរបស់ Marvel នោះគឺរឿង Deadpool មួយនេះ។ តែក្រឡេកមកកាលពីឆ្នាំ២០១១​ វិញលោកក៏ធ្លាប់មានវត្តមាននៅ​ក្នុងខ្សែភាពយន្តរបស់ DC ផងដែរនោះគឺខ្សែភាពយន្ត Green Lantern ក្នុងនាមជា Hal Jordan ដែលជាតួអង្គ​មនុស្ស​តែម្នាក់ដែលបានចូលរួមនឹងក្រុម Green Lantern Corp។

ទោះជាយ៉ាងណាក៏ដោយបើទោះបីជា Warner Bros ដែលជាក្រុមហ៊ុននៅពីក្រោយ Green Lantern របស់​លោក​ Ryan Reynolds មានក្តីសង្ឃឹមខ្ពស់ចំពោះខ្សែភាពយន្ដនេះក៏ដោយក៏ខ្សែភាពយន្តមួយនេះគឺមិន​ទទួលបាន​ជោគជ័យ​ខ្លាំងតាមការរំពឹងទុកឡើយផ្ទុយទៅវិញថែមទាំងទទួលបានពាក្យរិះគុនយ៉ាងចាស់ដៃពី​សំណាក់អ្នកគាំទ្រ​មិនត្រឹមតែ​ប៉ុន្នោះសូម្បីតែលោក Ryan Reynolds យកវាមកសើចចំអកដូចដែលលោកសម្ដែងជា Deadpool ទៅ​បាញ់​សម្លាប់ខ្លួនឯងកំពុងតែអង្គុយអាន​ Script នៃរឿង Green Lantern ថែមទៀតផង។

យ៉ាងណាមិញក្រោយពីខ្សែភាពយន្ត Zack Snyder's Justice League បានបញ្ចេញអោយគ្រប់គ្នាទស្សនា​លោក​ក៏ចាប់ផ្ដើមមើលខ្សែភាពយន្ត Green Lantern ជាលើកដំបូងបអង្អស់ក្រោយរយៈពេល 10ឆ្នាំកន្លងផុត​ទៅហើយដើម្បីអបអរសាទរដល់ការចេញខ្សែភាពយន្ត Zack Snyder's Justice League មួយនេះ។ ក្រោយទស្សនាលោកក៏បានផ្លាស់ប្ដូរគំនិតសរសើរថាវាមិនអន់ដល់លោកគិតពីមុនឡើយ លោកថែមទាំងសរសើរ​ក្រុមការងារផ្សេងៗទៀតផង។

អ្វីដែលកាន់តែពិសេសក្រុមហ៊ុន Warner Bros បានប្រកាសពីគម្រោងថ្មីអំពីខ្សែភាពយន្ត Green Lantern Corp ថ្មីផងដែរហើយក៏ទើបតែប្រកាសថ្មីៗអំពីការជ្រើសរើសបានតារាសម្ដែងថ្មីមកកាន់ដំណែង Green Lantern ក្នុងនាម Guy Gardner ហើយតារាសម្ដែងដែលបានកាន់ដំណែងនោះគឺលោក Finn Wittrock។

ក្រោយប្រកាសមិនបានប៉ុន្មានថ្ងៃផងតារាសម្ដែង Green Lantern សេរី 2011 លោក Reynolds រូបនេះក៏បាន​ធ្វើការ​ឆ្លើយតបទៅកាន់ការបង្ហាញនិងជ្រើសរើសតារាសម្ដែងលោក Finn Wittrock មកសម្ដែងជា Guy Gardner នេះផងដែរគឺនៅថ្ងៃសុក្រ ទី៣០​ ខែមេសា ឆ្នាំ២០២១ លោកបានបង្ហោះ Story មួយនៅលើបណ្ដាញសង្គម Instagram របស់លោកជាមួយនឹងរូបភាពលោក Finn Wittrock ដោយលោកសរសេរថា ៖ «វាដូចជាខ្ញុំបានគ្រោងទុកមុនអញ្ចឹង។» 

មើលទៅវាហាក់ដូចជាការយល់ស្របដែលលោក Wittrock មកកាន់ដំណែងក្នុង Green Lantern ថ្មីនេះអញ្ចឹង​ដូចដែលមតិរបស់អ្នកគាំទ្រជុំវិញការសម្តែងរបស់លោក Wittrock ក្នុងនាមជា Guy Gardner នៅ Green Lantern គឺក្រុមអ្នកគាំទ្រពេញចិត្តនិងផ្ដល់ការឆ្លើយតបយ៉ាងវជ្ជមានជាច្រើនដោយគ្មានការ​រិះគុនរើសអើងបើ​ទោះបីរូបលោកមិនមានសក់ពណ៍ក្រហម (Blonde) ដូចទៅតួអង្គដែលលោកត្រូវសម្ដែងក៏ដោយ៕