រាជធានីភ្នំពេញ៖ កាលពីថ្ងៃទី៣០ ខែមេសា ឆ្នាំ ២០២១កន្លងទៅ មានរឿងរ៉ាវមួយ ដោយមានក្មេងស្រីពីរនាក់ បានជ្រុះលុយក្រដាស២០ដុល្លារអាមេរិក ខណៈពេលដែលកំពុងធ្វើដំណើរតាមដងផ្លូវ នៅម្តុំផ្សារទំនើបអ៊ីអនម៉ល ខណ្ឌសែនសុខ ហើយពេលក្មេងស្រីនោះ ជិះម៉ូតូ ត្រឡប់ទៅកន្លែងជ្រុះទៅរើសលុយវិញ លុយនោះ ត្រូវបានបុរសម្នាក់ជិះរថយន្តម៉ាក Highlander ដែលពាក់ស្លាកលេខ 2V- 5883 រើសបានមុនទៅហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោយពីបានឃើញដូច្នេះ ក្មេងស្រីនោះ បានព្យាយាមសុំលុយនោះមកវិញ តែទោះបីនាងទទូចសុំយ៉ាងណា ក៏បុរសបើករថយន្តHighlander ខាងលើ មិនព្រមឱ្យឡើយ ខ្លាចថាមិនមែនម្ចាស់លុយ។ ក្នុងអំឡុងពេលសុំលុយមកវិញនោះ ក៏មានការប៉ះសម្តីគ្នាផងដែរ រហូតដល់ចុងក្រោយ បុរសជិះរថយន្តខាងលើ បានសម្រេចចិត្តហែកលុយចោល នៅមុខក្មេងស្រីនោះ រួចបើករថយន្តទៅបាត់តែម្តង។
ជាមួយគ្នានោះដែរ ក្មេងស្រីដែលបានជ្រុះលុយនេះ មានឈ្មោះថា Nith Nith បានបង្ហោះវីដេអូ សម្តែងការតូចចិត្តនៅលើគណនីហ្វេសប៊ុកដូច្នេះថា៖
បងប្អូន ជួយមើលទៅ លុយខ្ញុំជ្រុះហើយ ខ្ញុំសុំគាត់ តាមសម្រួលហើយម៉េច គាត់មិនព្រមឲ្យខ្ញុំ ហើយនិយាយចេញឡើងថា បើប្រាប់គាត់ពីដំបូងថា លុយខ្ញុំ គាត់ឲ្យបាត់ហើយ ចុះខ្ញុំប្រាប់ថាលុយខ្ញុំជ្រុះ ខ្ញុំសុំវិញបានអត់ពូ ? គាត់ថា មិនមែនលុយខ្ញុំ ហើយខ្ញុំខំជិះត្រលប់បក មករើសវិញហើយ ម៉េចគាត់នៅតែ ឱនរើសទៀត លុយ 20$ វាមិនច្រើនទេ សម្រាប់អ្នក តែច្រើនសម្រាប់ខ្ញុំ ធ្វើការរាល់ថ្ងៃ ទម្រាំបានលុយប៉ុណ្ណឹង សម័យកូវីដ ពិបាករក ខ្លាំងណាស់។
ដោយឡែក នៅម៉ោង១១ព្រឹកថ្ងៃទី០១ ឧសភា ២០២១ បុរសជិះរថយន្ត Highlander ដែលបានរើសលុយបាន ក៏បានឡាយវីដេអូ បកស្រាយវិញដូច្នេះថា ៖
ខ្ញុំសូមបកស្រាយរឿងកាលពីម្សិលមិញ ដែរប្អូនស្រីចោទថា ខ្មុំរើសលុយគាត់ហើយ មិនអោយគាត់វិញ ៕
ដើម្បីជ្រាបកាន់តែច្បាស់ សូមទស្សនារូបភាព និង វីដេអូខាងក្រោម៖
Bong I.T