នាវាដឹកប្រេងមួយគ្រឿងបានលេចធ្លាយប្រេងប្រហែល ៤០០ តោន បន្ទាប់ពីមានការប៉ះទង្គិចគ្នានៅភាគខាងកើតប្រទេសចិន

ចិន៖ ការិយាល័យកិច្ចការដែនសមុទ្រខេត្តបាននិយាយនៅថ្ងៃព្រហស្បតិ៍នេះថានាវាដឹកប្រេងមួយបានលេចធ្លាយប្រេងប្រមាណ ៤០០ តោនចូលទៅក្នុងសមុទ្រនៅឯកំពង់ផែ Qingdao នៃខេត្ត Shandong ភាគខាងកើតប្រទេសចិនបន្ទាប់ពីកប៉ាល់នេះបានបុកជាមួយកប៉ាល់ដឹកទំនិញមួយផ្សេងទៀតកាលពីថ្ងៃអង្គារ។

ទីស្នាក់ការជួយសង្គ្រោះបាននិយាយថានាវាចំនួន ១២ គ្រឿងត្រូវបានបញ្ជូនទៅជួយសម្អាតការកំពប់ប្រេងនេះ។

កាលពីម៉ោងប្រហែល ៩ ព្រឹកថ្ងៃអង្គារសប្ដាហ៍នេះនាវាដឹកទំនិញមួយរបស់ប្រទេសប៉ាណាម៉ាបានប៉ះទង្គិចជាមួយនាវាដឹកប្រេងរបស់ប្រទេសលីបេរីយ៉ានៅដែនសមុទ្រភាគអាគ្នេយ៍នៃកោះ Chaolian ដែលមានចម្ងាយប្រហែល ៤០ ម៉ាយពីកំពង់ផែ Qingdao ៕

ប្រភព៖ Xinhua News