រាជធានីភ្នំពេញ ៖ ដូចដែរដឹងស្រាប់ហើយថា ស្ថានភាពនៃ ការរីករាលដាលនៃ ជំងឺកូវីដ១៩ ក្នុងរាជធានីភ្នំពេញ នៅរក្សាចំនួនខ្ទង់រយ ដដែល ក្នុងរយៈពេលចុងក្រោយនេះ ដោយសារតែមើលឃើញ ពីការព្រួយបារម្ភរបស់ ប្រជាជននោះ លោកជំទាវវេជ្ជបណ្ឌិត ឱ វណ្ណឌីន បានចែករំលែកសារក្រើនរឮក ដាស់ស្មារតីឲ្យមាន ពង្រឹងការអនុវត្តវិធានការទាំងនេះ ឲ្យបាន នោះមិនយូរប៉ុន្មានចរន្តឆ្លងកូវីដ នឹងកាត់ផ្តាច់ដោយខ្លួនឯង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា កាលពីថ្ងៃទី ២៨ មេសា ២០២១ ថ្មីៗនេះ លោកជំទាវវេជ្ជបណ្ឌិត ឱ វណ្ណឌីន បានបញ្ជាក់យ៉ាងច្បាស់ថា ៖
ក្នុងបរិបទនៃការវាយលុករបស់វីរុសកូវីដ-១៩ អ្នកឈឺ កេីតទុក្ខ អ្នកស្លាប់ បាត់មុខ អ្នកជា ត្រេកអរ។ តែសម្រាប់បុគ្គលគ្រប់រូប សភាពមួយណាក៏មិនចង់ជួបដែរ អ្វីដែលយើងចង់បានគឺ មិនមានអ្នកឈឺ មិនមានអ្នកស្លាប់ និងបើមិនមានអ្នកឈឺហើយ ក៏មិនចាំបាច់មានអ្នកជាដោយសារជំងឺកូវីដ-១៩ នេះដែរ។ វិធានការ៣ការពារ + ៣កុំ + ចាក់វ៉ាក់សាំងកូវីដ-១៩ + នៅផ្ទះ បើមិនមានការចាំបាច់ត្រូវចេញក្រៅផ្ទះ) ជាអាវុធដ៏ស័ក្តសិទ្ធសម្រាប់លោកអ្នក ឈ្នះសត្រូវអត់ស្រមោលកូវីដ-១៩។ សូមចងចាំ និងអនុវត្តទាំងអស់គ្នាក្នុងស្មារតីសាមគ្គីភាព ជួយគ្នាទៅវិញទៅមក និងសូមឱ្យមានសុខភាពល្អទាំងអស់គ្នា ចៀសផុតនូវការឆ្លងជំងឺដ៏កាចសាហាវនេះ។ សូមអរគុណនូវរាល់ការអនុវត្តន៍វិធានការការពារខាងលើនេះ ដើម្បីចៀសផុតពីជ្រោះមហន្តរាយសុខភាពសាធារណ: និងសេដ្ឋកិច្ចទាំងអស់គ្នា។
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖
Bong I.T