Forbes បានចុះផ្សាយថាទ្រព្យរបស់ Kim Kardashian មានច្រើនជាងមួយពាន់លានដុល្លារ!

បរទេស៖ ទស្សនាវដ្ដីពាណិជ្ជកម្ម Forbes បានចុះផ្សាយនៅលើគេហទំព័រ បានរាយការណ៍មកថា ទ្រព្យសម្បត្តិរបស់តារាម៉ូដែលទូទស្សនិ៍ Kim Kardashian  បានឈានដល់ ១ កោដិដុល្លារ ជាមួយនឹង មុខជំនួញ ខាងគ្រឿងសំអាង និងសម្លៀកបំពាក់ រួមទាំងប្រាក់ចំណូលពីទូរទស្សន៍កិច្ចព្រមព្រៀង ក៏ដូចជាការវិនិយោគជាដើម។

ឥលូវនេះនាងគឺជាមនុស្សម្នាក់ក្នុងចំនោមតួលេខចំនួន ២,៧៥៥ នាក់នៅលើពិភពលោក នៅក្នុងបញ្ជីមហាសេដ្ឋីពិភពលោករបស់ Forbes ។ មិនត្រឹមតែប៉ុណ្ណោះ​ អតីតប្តីរបស់ Kim Kardashian West តារារ៉េប Kanye West ស្ថិតនៅក្នុងការចុះបញ្ជីរួចហើយ ជាមួយទឹកប្រាក់១,៨ កោដិដុល្លារ។

យ៉ាងណាមិញ នេះមិនមែនជាលើកទីមួយទេដែលគ្រួសារ Kardashian-Jenner បានបង្ហាញខ្លួនក្នុងបញ្ជី Forbes ។ ជាក់ស្តែងទស្សនាវដ្តីមួយនេះ បានចុះផ្សាយរួចម្តងហើយ ប្អូនស្រីរបស់នាង Kylie Jenner ដែលជាមហាសេដ្ឋីវ័យក្មេងបំផុតដែលមិនធ្លាប់ត្រឹមវ័យ ២១ ឆ្នាំតែប៉ុណ្ណោះ ដែលទ្រព្យរហូតដល់ ១ពាន់ដុល្លារ កាលពីឆ្នាំមុន៕

សូមទស្សនារូបភាពខាងក្រោម៖