បើកបង្ហាញភូមិគ្រឹះដ៏ស្កឹមស្កៃ៣កន្លែងរបស់ Angelina Jolie ទិញរួមគ្នាជាមួយ Brad pitt មុនលែងលះគ្នា

បរទេស៖ មហាជនគ្រប់គ្នាប្រាកដជាបានស្គាល់តារាហូលីវូដ ដែលមានឈ្មោះបោះសំលេង ល្បីល្បាញទូទាំងពិភពលោកគឺ Angelinajolie និង លោក Brad pitt ដែលអ្នកទាំងពីរធ្លាប់ជាអតីត គូភរិយាស្វាមីនិងគ្នា ដែលទើបតែលេងលះគ្នាក្នុងពេលកន្លងទៅថ្មីៗនេះ។

កាលពីពួកគេទាំងពីរនៅជាប្ដីប្រពន្ធនិងគ្នា ពួកគេគឺមានអនុស្សាវរីយ៍និងរឿងល្អៗជាច្រើនដែលពួកគេសាងរួមគ្នា ​ដែលសូម្បីតែភូមិគ្រឹះ ៣ខ្នងដ៏ធំស្កឹមស្កៃប៉ុន្មានកន្លែងនេះក៏គេទាំងពីបានចូលរួមគ្នាទិញសម្រាប់ទុករស់នៅទុកលំហែអារម្មណ៍ម្ដងៗក្នុងពេលធ្វើការហត់នើយ និងមកលំហែកាយ ។គេដឹងច្បាស់ថាការលែងលះគ្នានេះពួកគេបានធ្វើការបែងចែកនូវទ្រព្យសម្បិត្តិរួមទាំងភូមិគ្រិះ៣ខ្នងនេះ តែគេមិនបានដឹងច្បាស់ថា ភូមិគ្រិះណាមួយជារបស់ Angelinajolie និងមួយណាបានទៅលើលោក Brad pitt នោះទេ។

ចង់ដឹងថា ពីភូមិគ្រិះទាំងបីនោះថាស្រស់ស្អាតនិងធំស្កឹមស្កៃយ៉ាងណានោះសូមមកទស្សនាទាំងអស់គ្នាៈ

១. Los Angeles, USA

ដោយផ្ទះមួយខ្នងនេះគឺពួកគេទិញសម្រាប់រស់នៅទាំងគ្រួសារ រួមទាំងកូនទាំង៦នាក់របស់អ្នកទាំងពីរ ដែលផ្ទះនោះមានល័ក្ខខណៈជាម៉ូតអាមេរិក ដែលមានបន្ទប់គេងចំនួន៥ និងសាងសង់នៅលើផ្ទៃដី៤៩៥ ម៉ែត្រការ៉េ ក្នុងសង្កាត់ ឡៅហ្វេលីស នៅ Los Angeles ហើយអ្នកទាំងពីរបានទិញផ្ទះនេះក្នុងឆ្នាំ ១៩៩៤ ក្នុងតម្លៃ ១.៧ លានដុល្លារ តែពេលបច្ចុប្បន្នកើនដល់៥លានដុល្លារហើយ។

២ Chateau Miraval France

ទាំងAngelinajolie និង Brad pitt បានជួលផ្ទះមួយខ្នងនេះសម្រាប់រដូវក្ដៅនៅក្នុងប្រទេសបារាំង មុននិងពួកគេសម្រេចចិត្តទិញ​នៅ ក្នុងតម្លែ ៦០ លានដុល្លារ ដែលភូមិគ្រិះនោះធំស្កឹមស្កៃដូចទៅនិងវិមានទៅហើយ ដោយក្នុងនោះមានបន្ទុប់គេងចំនួន៣៦បន្ទប់ ហើយមានកន្លែងហាត់ប្រាណ មានកន្លែងស្ប៉ា ដែលទាំងនេះសាងសង់នៅលើផ្ទៃដី ៣,០០០ រ៉ៃ  ហើយនៅតំបន់ជុំវិញនោះមានចំកាទំពាំងបាយជូរ និងបឹងឯកជនជាច្រើនទៀត។

៣. New orleans, USA

ភូមិគ្រិះ នេះមានល័ក្ខខណៈ២ជាន់ ដែល Angelinajolie និង Brad pitt បានទិញរួមគ្នា ក្នុងឆ្នាំ២០០៦ ក្នុងតម្លែ ៣.៥លានដុល្លារ សាងសង់ក្នុងទំហំដី៧១០ម៉ែត្រការ៉េ ។ដែលក្នុងផ្ទះមានបន្ទប់គេង៥ បន្ទប់ទឹក៥ ហើយក្នុងនោះក៏មានជាជណ្តើរយន្តថែមទៀតផង ប៉ុន្តែភូមិគ្រិសមួយនេះត្រូវបានអ្នកទាំងពីរសម្រេចចិត្តលក់ក្នុងឆ្នាំ២០១៥ ក្នុងតម្លៃ ៦.៥លានដុល្លារ៕