ទប់ទឹកភ្នែកមិនជាប់ ក្រោយឃើញ វី ឌីណែត បានត្រឹមជូនដំណើរម្តាយតាមវីដេអូខលបែបនេះ

ភ្នំពេញ៖ បន្ទាប់ពីទទួលបានព័ត៌មានអំពីមរណភាពរបស់អ្នកស្រី ងួន សុផាន់នី ដែលត្រូវជាភរិយារបស់លោកហួរ ឡាវី និងជាម្តាយកញ្ញា វី ឌីណែត បានធ្វើឲ្យមហាជន ក៏ដូចជាអ្នកនិយមលេងបណ្តាញសង្គមហ្វេសប៊ុក មានការភ្ញាក់ផ្អើលជាពន់ពេក និងបានបន្តធ្វើការចែកចាយ នៃដំណឹងដ៏សោកសៅ និងក្រៀមក្រំបំផុត។

លើសពីនេះទៅទៀត អ្វីដែលគួរឲ្យខ្លោចចិត្តនោះ គឺកញ្ញា វី ឌីណែត មិនអាចធ្វើពិធីបុណ្យសព ឬជួបមុខម្តាយជាលើកចុងក្រោយទេ ក៏ព្រោះតែកញ្ញាកំពុងតែសម្រាកព្យាបាលជំងឺកូវីដ១៩ ហើយត្រូវការគោរពតាមការណែនាំ​របស់ក្រសួងសុខាភិបាល។ 

យ៉ាងណាមិញ បើយោងតាមការបង្ហោះនៅលើគណនីរបស់កញ្ញា វី ឌីណែត នៅយប់ថ្ងៃទី១៩ ខែមីនា ឆ្នាំ២០២១ បានបញ្ជាក់ឲ្យដឹងថា កញ្ញាអាចបានត្រឹមតែគោរពវិញ្ញាណក្ខន្ធ និងជូនដំណើរម្តាយតាមរយៈប្រព័ន្ធអនឡាញតែប៉ុណ្ណោះ។ 

សំណេររបស់កញ្ញា វី ឌីណែត ថា៖ "នាងខ្ញុំជំនួសមុខអោយក្រុមគ្រួសារ សូមសំដែងការអរគុណដល់ព្រះសង្ឃនៅ វត្តនិគ្រោធវ័ន ហៅ គល់ទទឹង ដែលបានជួយរៀបចំពិធីបង្សុកូលឧទ្ទិសកុសលជូនដល់ ម្ដាយរបស់ខ្ញុំ ងួនសុផាន់នី សូមអោយវិញ្ញាណក្ខន្ធម៉ាក់ទៅកាន់សុខគតិភពផងចុះ ម៉ាក់ចោលកូនហើយទៅសែនឆ្ងាយ😭មុខចុងក្រោយក៏មិនបានឃើញ😭 ទៅធ្វើបុណ្យអោយម៉ាក់ក៏មិនកើត មានតែតាមonline 😭ម៉ាក់អើយម៉ាក់ ខ្ញុំនឹងរឹងមាំណាម៉ាក៕

យ៉ាងណាក្តី ក្រុមការងារខ្មែរឡូត សូមចូលរួមរំលែកទុក្ខគ្រួសារនៃសព និងសូមមឲ្យវិញ្ញាណក្ខននៃសពបានទៅកាន់សុគតិភព៕

សូមទស្សនារូបភាពខាងក្រោម៖