បរទេស៖ អង្គការណាសា បានចាំឃ្លាំមើលអាចម៍ផ្កាយយក្សនេះជាយូរមកហើយ ហើយនៅក្នុងខែនេះ វានឹងហោះឆ្លងកាត់ភពផែនដីយើង។ នេះបើយោងតាមការចុះផ្សាយរបស់សារព័ត៌មាន The Sun។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាចម៍ផ្កាយយក្សមានឈ្មោះថា 2001 FO32 ត្រូវបានរកឃើញដោយអ្នកតារាវិទូកាលពី ២០ឆ្នាំមុន ដោយវាមានប្រវែងជាង ៩០០ម៉ែត្រ វែងជាង Burj Khalifa ដែលជាអគារខ្ពស់ជាងគេបំផុតនៅលើពិភពលោក មានកម្ពស់ត្រឹមតែជាង ៨០០ម៉ែត្រប៉ុណ្ណោះ។
យ៉ាងណាមិញ អង្គការណាសាបានគូសបញ្ជាក់ថា លោកអ្នកមិនចាំបាច់មានការភ័យស្លន់ស្លោនោះទេ ព្រោះវានឹងហោះកាត់ភពផែនដី នៅចម្ងាយប្រហែលជាង ២លានគីឡូម៉ែត្រ ដែលឆ្ងាយជាងចម្ងាយពីភពផែនដី ទៅព្រះច័ន្ទដល់ទៅ ៥.២៥ដងឯណោះ។ ប៉ុន្ដែ បើយោងតាមច្បាប់លំហវិញ ចម្ងាយអាចម៍ផ្កាយយក្សខាងលើ គឺត្រូវបានគេចាត់ទុកថាវានៅកៀកនឹងភពផែនដីហើយ ព្រោះរាល់វត្ថុក្នុងទីអវកាសណា ដែលហោះមកជិតផែនដីក្នុងរយៈចម្ងាយជាង ៧លានគីឡូម៉ែត្រ នឹងត្រូវចាត់ទុកជាបាតុភូតគ្រោះថ្នាក់ក្នុងលំហអវកាសទាំងអស់។
គួរជម្រាបថា អ្នកវិទ្យាស្រាស្តបានរំពឹងទុកថា អាចម៍ផ្កាយ 2001 FO32 នឹងហោះកាត់ភពផែនដី នៅថ្ងៃអាទិត្យ ទី២១ ខែមីនានេះ ប៉ុន្ដែជាគួរឱ្យស្តាយមានតែមនុស្សមួយចំនួនរស់នៅអឌ្ឍគោលខាងត្បូងប៉ុណ្ណោះ ដែលអាចប្រើកែវយឺតទស្សនាវាបាន៕
Bong I.T