ក្តៅៗ BH Entertainment ប្រកាសថា Jinyoung GOT7 ចុះកុងត្រានឹងផលិតកម្មរបស់ខ្លួនហើយ

កូរ៉េខាងត្បូង៖ ផលិតកម្មរ BH Entertainment រាយការណ៍មកថា Park Jinyoung សមាជិកម្នាក់ក្នុងក្រុម GOT7  បានក្លាយជាសិល្បករពេញសិទ្ធិរបស់ផលិតកម្មខ្លួនហើយ។ ផលិតកម្ម BH ក៏បានបញ្ជាក់ផងដែរថា ពួកគេនឹងមើលថែ ក៏ដូចជាគាំទ្រ Park Jinyoung ឲ្យបានល្អទាំងការសម្តែង និងជាតារាចម្រៀងប្រចាំផលិតកម្មរបស់ខ្លួន។

BH Entertainment អាចចាត់ទុកថាជាផលិតកម្មដែលសម្បូរទៅដោយតារាល្បីៗជាច្រើនដែលកំពុងតែជ្រកក្រោមទ្រនំផលិតកម្មមួយនេះ ដែលតារាល្បីទាំងនោះរួមមាន : Kim Go Eun, Park Bo Young, Kim Yongji, Han Hyo Joo, Lee Byunghoon, Jin Goo ។

គួរបញ្ជាក់ផងដែរ កាលពីអំឡុងពាក់កណ្តាលខែមករានេះ GOT7 បានធ្វើសេចក្តីប្រកាសជាផ្លូវការបញ្ចប់កុងត្រាជាមួយនឹងផលិតកម្មយក្ស JYP ហើយនៅពេលនេះសមាជិកក្រុមទាំង 7នាក់ ក៏កំពុងតែជាប់រវល់នឹងការងាររបស់ពួកគេរៀងៗខ្លួនផងដែរ។

សូមទស្សនាមើលរូបភាពខាងក្រោម៖