តើហេតុអ្វីបានជាលោក Elon Musk និយាយបែបនេះទៅកាន់ CEO ជាច្រើនទៅវិញ?

https://s9.kh1.co/37/373772e5c2aea3a962e61b98fcf8a548975048fc.jpg
យានជំនិះ
 23-Dec-2020 12pm · 2 years ago

Elon Musk ត្រូវបានមហាជនទទួលស្គាល់ថា ជានាយកប្រតិបត្តិមួយរូបដែលមិនសូវប្រើពេលនៅក្នុងការិយាល័យប៉ុន្មាននោះទេ ព្រោះលោកតែងតែចំណាយពេលនៅក្នុងរោងចក្រផលិតរថយន្ដ Tesla ជានិច្ច ដើម្បីត្រួតពិនិត្យការផលិត ឲ្យមានភាពប្រាកដក្នុងចិត្តថាឡានរបស់លោកមានគុណភាពខ្ពស់។

បរទេស៖ Elon Musk ត្រូវបានមហាជនទទួលស្គាល់ថា ជានាយកប្រតិបត្តិមួយរូបដែលមិនសូវប្រើពេលនៅក្នុងការិយាល័យប៉ុន្មាននោះទេ ព្រោះលោកតែងតែចំណាយពេលនៅក្នុងរោងចក្រផលិតរថយន្ដ Tesla ជានិច្ច ដើម្បីត្រួតពិនិត្យការផលិតឲ្យមានភាពប្រាកដក្នុងចិត្តថាឡានរបស់លោកមានគុណភាពខ្ពស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរឱ្យដឹងដែរថា Elon Musk ជាមហាសេដ្ឋីបច្ចេកវិទ្យាជាន់ថ្មីមួយរូប ដែលមានការឡើងកូដយ៉ាងខ្លាំងនៅកំលុងពេលដែលមនុស្សភាគច្រើនជួបនូវវិបត្តិកូវីដ១៩​ នេះ។ ថ្មីៗនេះ ទ្រព្យសម្បត្តិរបស់លោកបានកើនឡើងយ៉ាងគំហុក ពី ៣៧ពាន់លានដុល្លារកាលពីចុងឆ្នាំ ២០១៩ ដល់ ១៤៨ពាន់លានដុល្លារនៅខែធ្នូ ២០២០ នេះ។

Elon Musk
Elon Musk

ក្នុងនោះផងដែរ ក្នុងការធ្វើបទបង្ហាញមួយជាមួយនឹងនាយកប្រតិបត្តិជាច្រើននៃកិច្ចប្រជុំ WSJ CEO លោក Elon Musk បានធ្វើការសង្កត់ធ្ងន់និងចោទសួរទៅកាន់អ្នកចូលរួមទាំងអស់ថា “តើនាយកប្រតិបត្តិជាច្រើនមានការយកចិត្តទុកដាក់ និងផ្ដោតសំខាន់ទៅលើការពង្រឹងនូវគុណភាពរបស់ផលិតផលរបស់ក្រុមហ៊ុនដែរឬទេ? ចម្លើយគឺគ្មានទេ។ បន្ថែមទៀតនោះ Elon បានលើកឡើងទៀតថា នាយកប្រតិបត្តិភាគច្រើនតែងតែចំណាយពេលវេលារបស់ពួកគេទៅលើ ការអង្គុយក្នុងការិយាល័យគិតតែរឿងហិរញ្ញវត្ថុ និងធ្វើនូវ Powerpoint ដែលមានភាពទាក់ទាញ តែគ្មានគុណភាពសម្រាប់ផលិតផលជាក់ស្ដែង ជាជាងការចុះទៅមើលនូវសង្វាក់ផលិតកម្មផ្ទាល់នៅរោងចក្រ។

Elon Musk
Elon Musk

ក្រៅពីការលើកឡើងនូវបញ្ហា លោក Elon Musk បានបង្ហាញនូវដំណោះស្រាយខ្លះផងដែរថា បើអ្នកចង់ឲ្យក្រុមហ៊ុនរបស់អ្នកមានការរីកចម្រើន ក្នុងនាមជានាយកប្រតិបត្តិគួរតែបញ្ឈប់នូវការពឹងផ្អែកតែលើការធ្វើបទបង្ហាញជាមួយនឹង Powerpoint រួចផ្ដោតសំខាន់ទៅលើការរកវិធីសាស្រ្ដបែបណា ដើម្បីឲ្យផលិតផលរបស់អ្នកមានគុណភាពល្អបំផុតតាមតែអាចធ្វើបាន។ មួយវិញទៀត​ ការធ្វើបែបនេះបាន អ្នកត្រូវធ្វើការទទួលយកនូវមតិរិះគន់អវិជ្ជមានពីអតិថិជន មកធ្វើការពិចារណា រួចស្វែងរកហេតុផលដើម្បីដោះស្រាយវា នោះផលិតផលរបស់អ្នកនឹងមានការរីកចម្រើនជាលំដាប់។

គួរបញ្ជាក់ផងដែរថា បើទោះបីលោក Elon Musk មានតំណែងខ្ពស់ជាអគ្គនាយកក្រុមហ៊ុន Tesla និង SpaceX យ៉ាងណាក៏ដោយ មានកម្មករនៅរោងចក្រនោះបាននិយាយថា លោកឧស្សាហ៍នឹងសម្រាក ឬគេងនៅរោងចក្រTesla ជាប្រចាំ៕

Sok Chanraksmey
Chan Raksmey (C)

អត្ថបទទាក់ទង