ភ្នំពេញ៖ អ្នកផ្គត់ផ្គង់សេវាកម្មអាពាហ៍ពិពាហ៍ អាចនឹងខាតបង់ប្រាក់ចំណូលខ្ទង់ម៉ឺនដុល្លារអាមេរិក ដោយសារតែរដូវ រៀបមង្គលការមានបញ្ហាអំឡុងកូវីដ ១៩ នេះ។ ក៏ប៉ុន្តែស្ថានភាពទាំងអស់នោះ នឹងមានក្តីសង្ឃឹមឡើងវិញសម្រាប់រដូវកាលក្រោយកូវីដ១៩ស្ងប់ស្ងាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅឆ្នាំនេះ អ្នកផ្គត់ផ្គង់សេវាកម្មអាពាហ៍ពិពាហ៍ និងពិធីបុណ្យ ជួបប្រឈមទៅនឹងបញ្ហាហិរញ្ញវត្ថុ ស្ទើរតែពេញមួយឆ្នាំ ២០២០ ដោយសារតែមង្គលការជាច្រើន បានពន្យារពេលទាំងបង្ខំ ដោយសារ តែការបារម្ភពីជំងឺឆ្លងនេះទាំងនៅក្នុងរាជធានីភ្នំពេញ ក៏ដូចនៅតាមបណ្តាខេត្តនានា ។
បើយោងតាមហ្វេសបុករបស់គូស្វាមីមួយគូបានឲ្យដឹងថា៖ «ឆ្នាំនេះឆាចោល គ្រាន់តែលើកថ្ងៃរៀបអាពាហ៍ពិពាហ៍អស់៣ដង ហើយក៏សូមអធ្យាស្រ័យបងប្អូនទាំងអស់ដែលបានកក់សំបុត្រយន្តហោះ កាត់រ៉ូប ខោអាវសំរាប់ចូលរួមកម្មវិធីខ្ញុំទាំងពីរនាក់ ខ្ញុំបាទលើកពេលទៅឆ្នាំក្រោយទៀតហើយ គោរពអរគុណបងប្អូនទាំងអស់គ្នា ដែលស្រលាញ់រាប់អានខ្ញុំ។»
ក្នុងនោះ សូម្បីរដ្ឋមន្ត្រីក្រសួងកសិកម្មរុក្ខាប្រមាញ់ និង នេសាទ ឯក ឧត្ដម វេង សាខុន បានប្រកាសពីការលើកពេល រៀបអាពាហ៍ពិពាហ៍កូនប្រុសរបស់លោកផងដែរ ដោយការរៀបអាពាហ៍ពិពាហ៍នេះនឹងត្រូវលើកទៅពេលក្រោយវិញ។
ក្រៅពីនោះមានពលរដ្ឋជាច្រើនគូ បានបង្ខំចិត្តពន្យាពេលរៀបអាពាហ៍ពិពាហ៍នៅឆ្នាំនេះ ដោយនឹងពន្យាពេលនៃការរៀបចំរហូតដល់បញ្ហាជំងឺ COVID-19 ត្រូវបានគ្រប់គ្រងបានទាំងស្រុង។
បើតាមការចុះផ្សាយពីសារព័ត៌មានក្នុងស្រុក ប្រជាពលរដ្ឋក្នុងរាជធានីភ្នំពេញបានសុំច្បាប់រៀបអាពាហ៍ពិពាហ៍ ៨៨៦គូ សម្រាប់ខែវិច្ឆិកា និងខែធ្នូនេះ ក៏ប៉ុន្តែរាជរដ្ឋាភិបាលបានប្រកាសផ្អាកការជួបជុំលក្ខណៈបែបនោះសិន។
បញ្ហាទាំងអស់នេះ ម្ចាស់ចុងភៅចល័ត ទីតាំងរៀបអាពាហ៍ពិពាហ៍ ផ្កាស្រស់ តន្ត្រីសម័យ និងសេវាកម្មផ្សេងៗទៀត ក៏ជួបបញ្ហាដូចគ្នាៗ សម្រាប់ក្នុងមួយរដូវរៀបអាពាហ៍ពិពាហ៍នេះ ពួកគេត្រូវបានខាតបាត់បង់ប្រាក់ចំណូលខ្ទង់ម៉ឺនដុល្លារអាមេរិក ដោយសារមានការលើក ឬលុបពិធីនេះ៕
Bong I.T