ភ្នំពេញ៖ ទោះបីជាពេលនេះ ម្ចាស់ពានរង្វាន់ជ័យលាភី Cambodian Idol និងតារាចម្រៀងប្រចាំផលិតកម្មរស្មីហង្សមាស លោក នី រតនា ទទួលបានកូនស្រីម្នាក់មុខខ្យូតគួរឲ្យក្នាញ់អាយុ ៩ ខែជាចំណងដៃ បន្ទាប់ពីរៀបមង្គលរួចក៏ពិតមែន ប៉ុន្តែលោកនៅតែមានកេរ្តិ៍ឈ្មោះល្បីល្បាញ និងមានអ្នកគាំទ្រយ៉ាងច្រើនលើសលប់សឹងតែគ្រប់ទិសទី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរីឯជីវិតគូវិញ សង្កេតឃើញថាប្តីប្រពន្ធវ័យក្មេងទាំងពីររូបនេះ ពិតជាស្វីតខ្លាំងណាស់ពីមួយថ្ងៃទៅមួយថ្ងៃ ធ្វើឲ្យនារីៗជាច្រើនច្រណែននឹងភរិយារបស់លោកខ្លាំងមែនទែន។ ហើយជារឿយៗអ្នកទាំងពីរតែងតែទិញកាដូជូនគ្នាទៅវិញក្នុងថ្ងៃពិសេសៗដូចជា គម្របខួបស្នេហ៍ គម្របខួបអាពាហ៍ពិពាហ៍ និងថ្ងៃខួបកំណើតជាដើម។
ជាក់ស្តែង កាលពីម្សិលមិញនេះ គឺជាថ្ងៃខួបកំណើតរបស់ភរិយាសំណព្វចិត្ត នី រតនា ដោយឃើញលោកបានបង្ហោះរូប និងពាក្យពេចន៍ខ្លះៗនៅលើបណ្តាញសង្គម ដើម្បីជូនពរទៅកាន់ភរិយាជាទីស្រលាញ់ផងដែរ។
ទន្ទឹមគ្នានេះផងដែរ កាលពីម្សិលមិញលោកក៏បានទិញកាដូជាទូរស័ព្ទដៃម៉ាក iPhone 12 ដែលមានតម្លៃខ្ទង់រាប់ពាន់ដុល្លារ ព្រមទាំងផ្កាកុលាបដ៏ធំមួយបាច់ផងដែរ។ យ៉ាងណាមិញ នៅក្នុងវីដេអូនោះតារាចម្រៀងរូបនេះបានលួចទៅ Surprise ភរិយាស្ងាត់ៗដល់ក្នុងបន្ទប់ ខណៈពេលដែលភរិយារបស់លោកកំពុងអង្គុយ Live លក់ផលិតផលថែរក្សាសម្រស់៕
ចង់ជ្រាបច្បាស់ សូមទស្សនាវីដេអូ និងរូបភាពខាងក្រោមនេះ ៖