Solsjkaer ឆ្លើយតបបែបនេះទៅភ្នាក់ងាររបស់ Pogba ពាក់ព័ន្ធព័ត៌មានចាកចេញពី Old Trafford

អង់គ្លេស៖ ពាក់ព័ន្ធនឹងព័ត៌មានដែលបានចុះផ្សាយព្រោងព្រៀតថាខ្សែបម្រើ Paul Pogba ហាក់ដូចជាមិនសប្បាយចិត្តស្នាក់នៅកីឡដ្ឋាន Old Trafford នឹងមានគម្រោងចាកចេញឆាប់ៗ ខាងមុខនេះ អ្នកចាត់ការទូទៅក្លិបលោក Ole Gunner Solsjkaer បានចេញមកផ្តល់ចម្លើយដល់អ្នកសារព័ត៌មានផងដែរ។

បើតាមការលើកឡើងផ្ទាល់របស់លោកគិតថាខ្សែបម្រើសញ្ជាតិបារាំងកូនក្រុមរបស់លោកខាងលើ គឺនៅបន្តការហ្វឹកហាត់ និងលេងដោយសប្បាយចិត្តជាធម្មតានោះទេ។ 

បើតាមកិច្ចសម្ភាសន៍ក្រោយបញ្ចប់ការប្រកួត Manchester United បានចាញ់ RB Leipzig ពីព្រឹកមិញនេះ បុរសអ្នកចាត់ការទូទៅកំពុងរងកម្តៅកៅអីខាងលើបានលើកឡើងថាៈ   ៉ ខ្ញុំបានទទួលព័ត៌មានពីការលើកឡើងរបស់លោក Mino Raiola  (ភ្នាក់ងារ) ប៉ុន្តែខ្ញុំគិតថា ក្នុងក្បួនខ្នាតកីឡាពួកយើងគួរពិភាក្សាគ្នាជាការប្រសើរជាជាង។ ហើយខ្ញុំក៏មិនចង់និយាយអំពីរឿងទាំងនេះច្រើននោះដែរ។ បច្ចុប្បន្ន! ខ្ញុំសង្កេតឃើញថារូបគេ (Paul Pogba) កំពុងតែធ្វើបានល្អទាំងក្នុងជំរុំហ្វឹកហាត់ និងពេលរៀងរាល់ចូលប្រកួត។ Paul Pogba បានព្យាយាមហ្វឹកហាត់ជានិច្ច។   ៉ 

គួរបញ្ជាក់ផងថា ខ្សែបម្រើរួមចំណែកជួយក្រុមជម្រើសជាតិបារាំងឈ្នះពាន FIFA World Cup 2018 កន្លងទៅខាងលើ បច្ចុប្បន្នភាពនៅសល់កិច្ចសន្យាមានសពុលភាពជាមួយក្លិបបិសាចក្រហម Manchester United ១៨ ខែទៀត ខណៈក៏មានព័ត៌មានក្លិបធំៗ ក្នុងតំបន់អឺរ៉ុបកំពុងចង់បានរូបគេព្រមៗ គ្នាផង ដោយសារតែការស្នាក់នៅទឹកដី Old Trafford ពុំសូវទទួលបានឱកាសបង្ហាញខ្លួនលើទីលានពេញលេញ៕