ស្នេហា Bow និង Mik កាន់តែបើកចំហរមើលទៅផ្អែមល្ហែមណាស់

ថៃ៖ បន្ទាប់ពីមានទំនាក់ទំនងស្នេហានឹងគ្នា អស់មួយរយៈពេលកន្លងមកនេះ ពីគូស្នេហ៍ថ្មីថ្មោង រវាង តារាស្រី​ Bow Maylada  និង តួឯកប្រុសដ៏ស្រស់សង្ហា លោក Mik Thongraya ដែលបានធ្វើឲ្យអ្នកគាំទ្រគ្រប់ៗគ្នា កាន់តែចង់ឃើញច្រើនឡើង ពីសកម្មភាពអ្នកទាំងពីរ មិនថាជាការទៅកម្សាន្តផ្ទាល់ខ្លួន ក៏ដូចជា ចេញមុខក្នុងកម្មវិធីជាមួយគ្នាផងដែរ។ 

ជាពិសេសនោះដែរ ថ្មីនេះ ការទន្ទឹងរង់ចាំរបស់ហ្វេនៗទាំងនោះ គឺមិនមានការខកបំណងឡើយ ដោយគូស្នេហ៍តារាប្រុសស្រីមួយគូនេះ ក៏បានលេចមុខជាមួយគ្នា នៅក្នុងកម្មវិធី Central Anniversary 2020 ដែលជាការចូលរួមជាមួយគ្នា ជាលើកដំបូង បន្ទាប់ពីបានប្រើឋានៈជាសង្សារនឹងគ្នារួចមក ព្រមទាំងមានរូបភាព ដ៏ផ្អែមល្ហែម ដើម្បីផ្ដល់ជូនទស្សនិកជន ថែមទៀត។ 

នៅក្នុងនោះដែរ អ្វីដែលគួរឲ្យចាប់អារម្មណ៍បំផុតនោះគឺ អ្នកទាំងពីរបានបង្ហាញពី​ភាពស្និទ្ធស្នាល បណ្ដើរនិងកាន់ដៃគ្នា ចូលក្នុងពិធី ដែលមើលទៅពិតជាមានរ៉ូមែនទិកយ៉ាងខ្លាំង ឲ្យអ្នកគាំទ្រកាន់តែរំភើបជំនួស និងសម្ដែងភាពពេញចិត្ត ចំពោះ ទិដ្ឋភាពដ៏ស្វីតពីតារាប្រុសស្រីទាំងពីររូបនេះ ផងដែរ៕

សូមទស្សនារូបភាពខាងក្រោម៖