វ៉ាស៊ីនតោន៖ បន្ទាប់ពីមានភាពចម្រូងចម្រាសអស់រយៈពេលជាច្រើនសប្តាហ៍រួចមក នៅទីបំផុតលោកប្រធានាធិបតី ដូណាល់ ត្រាំ បានអនុញ្ញាតឱ្យក្រុមមន្រ្តីរដ្ឋបាលលោក ចាប់ផ្តើមរៀបចំការផ្ទេរអំណាចទៅឱ្យប្រធានាធិបតីជាប់ឆ្នោត លោក ចូ បៃដិន កាលពីថ្ងៃច័ន្ទម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក ត្រាំ ដែលជាបេក្ខជនមកពីគណបក្សសាធារណរដ្ឋ ធ្លាប់បានចោទប្រកាន់ថាមានការលួចបន្លំសន្លឹកឆ្នោតយ៉ាងច្រើន នៅក្នុងការបោះឆ្នោតកាលពីថ្ងៃទី៣ ខែវិច្ឆិកា ដោយមិនអាចផ្តល់ភស្តុតាង។ ហើយបើទោះបីជាលោកមិនបានទទួលស្គាល់ជ័យជម្នះរបស់លោក បៃដិន ក៏ដោយ ក៏ការប្រកាសរបស់លោក ត្រាំ កាលពីថ្ងៃច័ន្ទសប្តាហ៍នេះ គឺមានន័យថា លោកបានការទទួលស្គាល់ចំពោះភាពបរាជ័យ ក្នុងដំណើរប្រកួតប្រជែងជាប្រធានាធិបតីអាមេរិកនេះ។
គួរជម្រាបថា ដំណើរការពន្លឿនការផ្ទេរអំណាចរបស់រដ្ឋបាលចាត់ចែងកិច្ចការទូទៅ (GSA) គឺមានន័យថា ក្រុមរបស់លោក បៃដិន នៅពេលនេះនឹងមានមូលនិធិសហព័ន្ធ ក៏ដូចជាការិយាល័យផ្លូវការ ដើម្បីដឹកនាំការផ្លាស់ប្តូររបស់លោក រហូតដល់ពេលដែលលោកនឹងចូលកាន់តំណែងជាប្រធានធិបតីអាមេរិកផ្លូវការ នៅថ្ងៃទី ២០ ខែមករា៕
Bong I.T