ទោះត្រូវគេរិះគន់រាប់មិនអស់ Jenny នៅតែបង្ហាញក្ដីសុខក្នុងគ្រួសារ ជាមួយប្អូនស្រី

ថៃ៖ ក្រឡេកឃើញថា មួយរយៈកន្លងទៅនេះ តារាចម្រៀងស្រីវ័យក្មេង Jenny រួមទាំងប្អូនស្រីនាង បានប្រឈមមុខ នឹងពាក្យរិះគន់ជាច្រើនពីសំណាក់មហាជន ចំពោះសកម្មភាពឆ្គាំឆ្គងមួយចំនួន តែទោះជាយ៉ាងណា បងប្អូនស្រីអ្នកទាំងពីរ នៅតែអាចបង្ហាញពីភាពរីករាយនៅក្នុងជីវិតរស់នៅប្រចាំថ្ងៃបានជានិច្ច។ 

ដោយឡែក កាលពីថ្ងៃទី ២១ ខែវិច្ឆិកា ឆ្នាំ ២០២០ កន្លងទៅនេះ តារាចម្រៀងស្រី Jenny ក៏បានបង្ហោះរូបភាព ជាមួយនឹងការអបអរខួបកំណើតគម្រប់ ១៦ ឆ្នាំ របស់ Lily ដែលជាប្អូនស្រីជាទីស្រឡាញ់របស់ខ្លួន ប្រកបដោយក្ដីសុខជាទីបំផុត។ 

មិនត្រឹមតែប៉ុណ្ណោះ បន្ទាប់ពីនោះ តារាស្រី Jenny ក៏បានធ្វើការ Live វីដេអូ បង្ហាញពីភាពរីករាយ និងកក់ក្តៅ នៅក្នុងពីធីខួបកំណើត ដោយបានជួបជុំជាមួយ​នឹងគ្រួសារ រួមទាំងមិត្តៗដែលបានធ្វើការជាមួយគ្នាថែមទៀត ខណៈដែលបានច្រៀងចម្រៀង ព្រមទាំងបានកាន់នំខេក និងជូនពរទៅដល់ Lily គ្រប់ៗគ្នា ៕ 

សូមទស្សនារូបភាពខាងក្រោម៖