បុរសសិង្ហបុរីម្នាក់នេះ បន់ស្រន់នៅវត្តថៃ រហូតដល់ត្រូវឆ្នោតរាប់សែនដុល្លារ និងបរិច្ចាគប្រាក់ជួសជុលវត្តវិញចំនួន…

សិង្ហបុរី៖ បុរសជនជាតិសិង្ហបុរីម្នាក់ មិនបញ្ចេញឈ្មោះ អាយុ៤៨ឆ្នាំ និងមានអាជីពជាអ្នកជំនួយ បានត្រូវឆ្នោតរាប់សែនដុល្លារអាមេរិក បន្ទាប់ពីឧស្សាហ៍ទៅបន់ស្រន់ នៅឯវត្តមួយកន្លែង ដែលមានទីតាំងស្ថិតក្នុងខេត្ត Chai Nat ប្រទេសថៃ។

តាមប្រភពព័ត៌មានបានឲ្យដឹងថា បុរសខាងលើនេះ បានរស់នៅក្នុងប្រទេសថៃអស់​រយៈពេលជាង២០ឆ្នាំមកហើយ ហើយបន្ទាប់ពីមិត្តភក្ដិរបស់គាត់ បានណែនាំឲ្យស្គាល់ពីវត្ត គាត់ក៏បានយល់ដឹងពីការគោរពសាសនាព្រះពុទ្ធតែម្ដង។ ចាប់តាំងពីពេលនោះមក គាត់បានទៅបន់ស្រន់សុំសេចក្ដីសុខ និងលាភសំណាងឲ្យត្រូវឆ្នោតជារឿយៗ រហូតដល់ថ្មីៗនេះ គាត់ក៏បានត្រូវឆ្នោតរាប់សែនដុល្លារអាមេរិកឯណោះ។

យ៉ាងណាមិញ គេមិនដឹងច្បាស់ពីចំនួនទឹកប្រាក់ពិតប្រាកដ ដែលបានពីការត្រូវឆ្នោតឡើយ តែលោកបានបរិច្ចាគប្រាក់ ទៅកាន់វត្តផ្ទាល់ចំនួន១លានបាត (ប្រមាណ៣៣,០០០ដុល្លារអាមេរិក) ដើម្បីជួសជុលវត្តឡើងវិញផងដែរ៕

សូមទស្សនារូបភាពខាងក្រោម៖